bwiza.com
Amakuru Imikino

Paul Ince wahoze akinira Man. Utd avuga ko Pogba ari ikigoryi

Umwongereza Paul Emerson Carlyle Ince wahoze akinira ikipe ya Manchester United, avuga ko Paul Pogba ari ikigoryi ashingiye ku bikorwa bye mu kibuga ngo bituma atakaza imipira.

Paul Ince w’imyaka w’imyaka 51 y’amavuko, avuga ko umutoza Jose Mourinho atari shyashya ariko na none ko amakosa yose atamushyirwa ku mutwe, agashinja Pogba kutamufasha ahubwo akajya mu kibuga nk’urimo kwifotoza.

Aganira n’ikinyamakuru PaddyPower News, Paul Ince, yagize ati “Niba atekereza ko umwanya we ari ukuza mu kibuga agakora udukoryo twe ari natwo dutuma atakaza umupira, ni ikigoryi”.

Akomeza avuga ku mutoza Jose Mourinho umaze iminsi atavuga rumwe n’uyu mukinnyi Pogba, yagize ati “Mushobora kunenga Mourinho ku bintu bimwe na bimwe, ariko ntabwo yanengwa kuri buri kimwe cyose, Pogba we ubwe ntabwo amufasha, kandi afite uburengenzira bwo kugenda”.

Muri Kanama 2016, Umufaransa Paul Pobga ubu ufite imyaka 25 y’amavuko yinjiye mu ikipe ya Manchester United  nyuma yo gushyira umukono ku masezerano y’imyaka itanu yo kuzajya ayikinira, akazajya ahembwa ibumbi 220 by’amapaundi ku cyumweru.

Byavuzwe kenshi mu itangazamakuru ko umwuka utifashe neza hagati y’umutoza Mourinho na Pogba n’abandi bakinnyi. Ubu iyi kipe ya Man Utd ikaba idahagaze neza mu irushanwa ryo mu gihugu cy’u Bwongereza, aho ubu iri ku mwanya wa munani n’amanota 23 mu gihe Man City iyoboye urutonde ifite 41.

Paul Pogba na Mourinho

 

 

Izindi wakunda

Bwiza.com