bwiza.com
Ahabanza » Zambia: Perezida Edgar Lungu yemerewe kuzahatanira manda bamwe bafata nk’iya gatatu
Amakuru Politiki

Zambia: Perezida Edgar Lungu yemerewe kuzahatanira manda bamwe bafata nk’iya gatatu

Urukiko rushinzwe kurinda itegeko nshinga muri Zambia kuri uyu wa gatanu, itariki 06 Ukuboza rwanzuye ko Perezida Edgar Lungu yemerewe kongera kwiyamamaza mu matora y’umukuru w’igihugu ateganyijwe mu 2021, nyuma yo gusanga ataba anyuranyije n’ingingo y’itegeko nshinga yemera manda 2 z’umukuru w’igihugu.

Bamwe ariko basanga Perezida Edgar Lungu yaba agiye guhatanira manda ya gatatu.

Ni mu gihe iyi nkuru dukesha Reuters ivuga ko manda ya mbere ya Perezida Lungu yamaze umwaka umwe n’amezi atandatu gusa ubwo yajyaga ku butegetsi nyuma y’urupfu rw’uwo yasimbuye, Michael Charles Chilufya Sata, wapfuye akiri mu kazi azize uburwayi mu Ukwakira 2014.

Edgar Lungu yaje gukomeza manda ya Sata bavaga mu ishyaka rimwe (Patriotic Front) nyuma yo kumuhitamo atangira kuyobora kuwa 25 Mutarama 2015. Yaje gutsinda amatora yo muri Kanama 2016, aza kurahirira kuyobora manda ye yuzuye kuwa 13 Nzeri 2016.

Perezida Lungu mu gusaba ko yaziyamamariza indi manda bamwe bafata nk’iya gatatu, yasobanuye ko itegeko nshinga rivuga ko umukuru w’igihugu yayoboye manda mu gihe amaze ku butegetsi byibuze imyaka 3 cyangwa asoje manda yose.

Ibi akaba ari byo urukiko rwashingiyeho rumwemerera kuziyamamariza indi manda mu matora y’umukuru w’igihugu ataha muri Zambia.

 

Izindi wakunda

1 Igitekerezo

SAKEGA 08/12/2018 3:36 pm at 3:36 pm

Africa Abaperezida ntibifuza kuva ku ubutegetsi none se kubona hari abamara imyaka irenga 30,bagitegeka? Biratangaje kandi birababaje,ku bituma ubukungu bw’Igihugu bugirwa n’abantu bamwe, abategetsi badahinduka , bagenda bazenguruka mumyanya yose, ntibibuka ko bashaje.

Subiza

Tanga Igitekerezo

Bwiza.com
error: Alert: Ntabwo byemewe!!