bwiza.com
Ahabanza » RDC: Igitero cyagabwe ahabitse imashini zizifashishwa mu matora
Amakuru Politiki

RDC: Igitero cyagabwe ahabitse imashini zizifashishwa mu matora

Ingabo za Congo (FARDC) zifatanyije na polisi baburijemo igitero cyagabwe n’abitwaje intwaro ku bubiko bwa Komisiyo y’Igihugu Ishinzwe Amatora (CENI) muri Teritwari ya Beni, muri Kivu y’Amajyaruguru.

Umuvugizi wa Operasiyo Sokolo1 muri FARDC, Capt. Mak Hazukay, yatangaje ko iki gitero cyagabwe n’abantu bari bitwaje intwaro, mu gitondo cyo ku wa 16 Ukuboza 2018, hagacyekwa inyeshyamba za Maï-Maï.

Yagize ati “Umutekano w’abaturage bo muri Beni wahungabanyijwe na Maï-Maï, inyeshyamba zaje zifite intego yo gusenya ububiko bwa CENI, ku bw’amahirwe icyo gitero cyasubijwe inyuma n’abapolisi batewe ingabo mu bitugu n’ingabo”.

Nk’uko RadUmuvugizi wa CENI muri Beni, Deogratias Mbayahi avuga ko nta kintu na kimwe izi nyeshyamba zangije. Ati “Ibikoresho byacu ntibyahungabanyijwe, dufite imashini zizakoreshwa mu matora zisaga ibihumbi bibiri muri Beni n’ibindi bikoresho birahari”.

Inyeshyamba zari zigabye igitero kuri ubu bubiko bw’ibikoresho bizifashishwa mu matora mu gihe habura iminsi mike ngo amatora abe ku wa 23 Ukuboza 2018.

 

Izindi wakunda

Bwiza.com