bwiza.com
Ahabanza »  Ndacyari umukinnyi wa Gor Mahia kandi nta gitekerezo mfite cyo kuva mu ikipe vuba – Jacques Tuyisenge
Amakuru Imikino

 Ndacyari umukinnyi wa Gor Mahia kandi nta gitekerezo mfite cyo kuva mu ikipe vuba – Jacques Tuyisenge

Umukinnyi w’umupira w’amaguru wabigize umwuga w’Umunyarwanda, Jacques Tuyisenge ukinira ikipe ya Gor Mahia yo muri Kenya, arahakana amakuru aherutse gutangazwa na kimwe mu binyamakuru byo mu Rwanda ko yaba yenda kwerekeza mu ikipe ya AS Vita Club yo muri Repubulika iharanira Demokarasi ya Congo.

Nk’uko inkuru yagaragaye muri kimwe mu binyamakuru byo mu Rwanda bikorera kuri internet kuwa 24 Ukuboza 2018 yavugaga, ngo Jacques Tuyisenge yendaga kwemera gukinira ikipe ya Vita Club yageze mu mikino ya nyuma  y’igikombe cya CAF Confederations Cup.

Tuyisenge Jacques yageze mu ikipe ya Gor Mahia mu 2016 avuye muri Police FC mu Rwanda, akaba amaze gutsindira iyi kipe yo muri Kenya ibitego 50 ndetse akaba ari umwe mu bakinnyi barindwi bamaze gutsindira ibitego byinshi Gor Mahia inyuma ya Meddie Kagere, nawe w’Umunyarwanda, Sammy Onyango, Allan Thigo, Hesbon Omollo, Peter Dawo, George Yoga na John Chore.

Mu kiganiro yagiranye n’urubuga futaa.com, Tuyisenge yavuze ko ahazaza he hakiri muri Gor Mahia ahakana amakuru yavuzweho yo kujya muri Vita. Yagize ati: “Sindamenya aho amakuru yaturutse kubera ko ubwo nabazaga urubuga rwo mu Rwanda, bambwiye ko bayakuye mu itangazamakuru rya Congo. Ndacyari umukinnyi wa Gor Mahia, amasezerano yanjye aracyahari kandi nta gitekerezo mfite cyo kuva mu ikipe vuba.”

Uyu mukinnyi uru rubuga ruvuga ko yahoze ari umuhigi w’ibitego wa Police FC yanishimiye ukuntu ikipe ye yagarutse itsinda ibitego 2-0 ikipe ya Chemilil Sugar nyuma y’uko yari imaze imikino ibiri itsindwa aho yavuze ko bashyize akadomo ku bintu byo gutakaza imikino.

Ati: “Uyu ni umwaka mushya kandi twavuze ko uyu mwaka tugomba gusubira kuri mentality yacu yo gutsinda mu gihe season ikiri mbisi.”

Rutahizamu Jacques Tuyisenge ngo akaba yizeye gutsinda igitego cye cya mbere muri season ubwo bazaba bahangana na mathare United ku Cyumweru, itariki 06 Mutarama.

 

Izindi wakunda

Bwiza.com