bwiza.com
Ahabanza » Aaron Ramsey ukinira Arsenal agiye gusanga Cristiano Ronaldo muri Juventus
Uncategorized

Aaron Ramsey ukinira Arsenal agiye gusanga Cristiano Ronaldo muri Juventus

Umukinnyi wo hagati mu Ikipe ya Arsenal na Pays de Galles, Aaron Ramsey w’imyaka 28, yemeye amasezerano yo kujya muri Juventus, ikipe ubu ikinwamo n’icyamamare muri ruhago, Cristiano Ronaldo.

Ikinyamakuru The Guardian gitangaza ko Ramsey azagera mu ikipe ya Juventus muri Nyakanga, mu gihe amasezerano ye mu ikipe ya Arsenal agomba kurangirana na Kamena, uyu mwaka.

Uyu mukinnyi w’imyaka 28 y’amavuko, ngo yasinyanye amasezerano n’ikipe ya Juventus y’imyaka itanu, akaba yaguzwe miliyoni 36£.

Ramsey yinjiye mu ikipe ya Arsenal mu 2008 avuye mu ikipe ya Cardiff aho yari yaguzwe miliyoni 4.8 £.

Nyuma y’imyaka 11 ari muri shampiyona yo mu Bwongereza, Ramsey yanzuye kwerekeza mu yo mu gihugu cy’u Butaliyani, aho agiye gukinana na Ronaldo waciye mu ikipe ya Manchester United yo mu Bwongereza na Real Madrid yo muri Espagne, ubu akaba amaze amezi agera kuri atanu muri Juventus.

Izindi wakunda

Bwiza.com
error: Alert: Ntabwo byemewe!!