bwiza.com
Ahabanza » RDC: Umukandida Martin Fayulu aremeza ko amajwi y’Abanyekongo yibwe
Amakuru Politiki

RDC: Umukandida Martin Fayulu aremeza ko amajwi y’Abanyekongo yibwe

Umukandida Martin Fayulu wagize amajwi 34,8% kuri 38,57% ya Felix Tshisekedi, yamaganye iyi mibare yatangajwe na komisiyo y’igihugu y’amatora avuga ko habaye guhirika amatora mu kiganiro yagiranye na RFI amasaha macye hatangajwe ibyavuye mu matora by’agateganyo.

Muri iki kiganiro yagiranye n’umunyamakuru Florence Morice yabajijwe uko yakiriye ibyavuye mu matora byamushyize ku mwanya wa kabiri inyuma ya Felix Tshisekedi. Mu gusubiza yavuze ibyatangajwe ntaho bihuriye n’ukuri ati: “Ni ubutekamutwe bwa bwana Corneille Nangaa n’uruhande rwe rwa politiki, FCC. Ni ugihirika amatora kuzuye.”

Yabajijwe niba ari we mukandida inama y’abepisikopi gaturika muri Congo (CENCO) yavuze izi ko yatsinze amatora, asubiza ko iki kibazo cyabazwa CENCO gusa yongeraho ko imibare izwi. Ati: “Twe dufite imibare. Ariko biteye isoni, biteye isoni! Intsinzi mu matora ntigirwaho ibiganiro! Ariko se nihe bwana Felix Tshisekedi yakuye miliyoni 7 z’amajwi? Ni ibyagezweho byavuye muri laboratwari…Bwana Nangaa yashyizweho igitutu. We ubwe yarabitwibwiriye ku mugaragaro ko yashakaga kwegura. Icyo gitutu kirakomeje.”

Yongeyeho ko habayeho gutekinika ariko biciriritse byakozwe n’abantu batagira indangagaciro bashaka kwiba intsinzi Abanyekongo.

Yabajijwe niba Felix Tshisekedi yaremeye imishyikirano n’ubutegetsi kugirango bamwibe intsinzi, asubiza na none ko iki kibazo ari we cyabazwa, gusa yongeraho ko abaturage ba Congo batazemera ibizava mu matora akomeza agira ati: “Nanjye sinzemera ko intsinzi y’abaturage ba Congo yibwa.

Umunyamakuru yabajije bwana Martin Fayulu uwatsinze amatora niba yumva Tshisekedi atari we wayatsinze, asubiza agira ati: “Ni abaturage ba Congo batsinze. Abaturage ba Congo berekanye neza amahitamo bagize. Imibare irahari. Ntabwo ari njye wo gutanga imibare. Uwahoze ari perezida wa Mali yavuze neza ati: “Tuzi abatsinze”. Mutange imibare ya nyayo. Ntimushobora gukora magendu ku byavuyemo. Ibyavuyemo bya nyabyo bizamenyekana.”

Mbere y’uko amatora y’umukuru w’igihugu atangira muri Repubulika iharanira Demokarasi ya Congo mu kwezi kwa 11 abayobozi b’abatavuga rumwe n’ubutegetsi bagera kuri 7 bari barimo na Felix Tshisekedi bahuriye mu nama I Geneve mu Busuwisi bahitamo umukandida Martin Fayulu ngo abe ari we uzabagararira mu matora. Hadaciye kabiri, Felix Tshisekedi na Vital Kamerhe bahise bivana muri aya masezerano bakora ihuriro ryabo banashyira Tshisekedi nk’umukandida wabo.

Felix Tshisekedi aramutse yegukanye instinzi bidasubirwaho, byaba bisobanuye ko Vital Kamerhe azahita aba Minisitiri w’Intebe wa Congo nk’uko bombi babyumvianyeho mbere yo kwinjira mu matora.

Izindi wakunda

Bwiza.com
error: Alert: Ntabwo byemewe!!