bwiza.com
Ahabanza » Amerika yavuze ko yiteguye kwinjira muri Congo-Kinshasa
Amakuru

Amerika yavuze ko yiteguye kwinjira muri Congo-Kinshasa

Leta ya Amerika itangaza ko ishobora kwinjira muri Repubulika Iharanira Demokarasi ya Congo igiye haba hadutse imvururu nyuma y’itangazwa y’ibyavuye mu matora.

Itangazo rya Deparitoma ya Leta ya Amerika (US Department) rivuga ko abanye-Congo badakwiriye guteza akaduruvayo kandi ko abazabigiramo uruhare bazakurikiranwa.

Iri tangazo ryashyizwe ahagaragara mu ijoro rya tariki ya 10 Mutarama 2019 riragira riti “ Ibikorwa bibi ntibyemewe. Leta ya Amerika izakurikirana buri wese wagira uruhare mu kavuyo kabaho nyuma y’amatora.

Leta ya Amerika yasabye ko “ Turasaba abo bireba gutuza mu gihe ibindi bikorwa bikomeje.”

Iri tangazo rivuga ko Amerika yifatanyije n’abaturage ba Congo muri iki gihe cy’amateka kandi ko “ Nimwe mugomba kugena ahazaza ku gihugu cyanyu.”

Amerika iratangaza ibi mu gihe abantu bane bamaze kugwa mu myigaragambyo yamagana ibyavuye mu matora ko Felix Tshisekedi ari we watorewe kuyobora Congo- Kinshasa.

 

Izindi wakunda

Bwiza.com
error: Alert: Ntabwo byemewe!!