bwiza.com
Ahabanza » Itegeko ry’umusoro ku butaka ni akumiro ariko izindi zo ziteye ubwoba- Ingabire M. Imaculee
Amakuru mashya

Itegeko ry’umusoro ku butaka ni akumiro ariko izindi zo ziteye ubwoba- Ingabire M. Imaculee

Umuyobozi w’Umuryango Mpuzamahanga Urwanya Ruswa n’Akarengane mu Rwanda, Ingabire Marie Immaculee avuga ko ingingo ya 16 y’itegeko rigenga umusoro ku butaka iteye kumirwa bitewe n’ibirikubiyemo ariko ko n’izindi ngingo nazo ziteye ubwoba.

Mu kiganiro na TV1 kuwa 9 Mutarama 2018, Ingabire Marie Immaculee avuga ko ingingo ya 16 ari akumiro kuko iyi ngingo igaragaza ko abafite ubutaka bubinjiriza amafaranga menshi ari bo bazajya basora make ugereranyije n’abafite ibibanza binini badakoresha ibikorwa by’ubucuruzi.”

Ati “(…) Ibiri amambu abafite inzu zo gucururizamo n’abafite inganda n’ibo bari gusoresha make.Nureba ingingo ya 16 y’iri tegeko urumirwa, wavuga uti none se wunguka, ufite icyo yinjiza ko ari we ugiye gusora make kurenza udafite icyo yunguka mu by’ukuri (…)”.

Uyu muyobozi avuga ko uyu musoro uhanitse cyane bityo ko ushobora gutuma Abanyarwanda bisanga mu cyiciro cya mbere cy’ubudehe no mu muhanda.

Ati “ Ubushobozi bwo kwishyura uyu musoro, ntabwo bizashoboka.Ngira ngo iki Leta ikwiye kugitekerezaho,ikacyumva neza. Nta muntu ushobora kwambura Leta, barakwihorera ariko igihe kiragera bakaza  bakakwishyuza. Ibi bivuze guteza cyamunara. Ubwo twese twakwisanga turi mu cyiciro cya mbere cy’ubudehe cyangwa yuri mu muhanda.”

Ingabire yavuze ko ingingo zose ziri tegeko ziteye ubwoba ku buryo hakwibazwa niba abarishyizeho n’abaritoye baratekereje ku Banyarwanda cyangwa Abanyamahanga.

Ati “ (…) Ingingo ya 19 nayo irarwaye,erega witegereje ingingo zose z’iri tegeko ugira ubwoba. Uravuga uti ariko umuntu waritekereje kimwe n’abaritoye batekereje Abanyarwanda tuzi natwe turimo.”

Ingabire agira inama Leta ko iri tegeko ryasubirwamo mu maguru mashya hirindwa ibibazo bihari bityo ko intego nyamkuru y’umusoro itagerwaho ko “ Ubundi umusoro ufite inshingano zo guteza imbere igihugu, ariko iyo utizwe neza, ugiteza inyuma.”

Ashimangira ko umusoro iyo ubaye umurengera wica inyurabwenge y’umusoro n’igenamigambi rikahadindirira ariko ko afite amatsiko yo kureba uko ibi bintu bizagenda.

 

 

Izindi wakunda

2 Ibitekerezo

Muvunyi 12/01/2019 7:20 pm at 7:20 pm

Abadeputes bacu turabatora ariko bakadukandamiza rwose pe, iri tegeko ry’umusoro w’ubutaka iyo utekereje k’umuntu waritekereje n’abaritoye usanga ari abanzi b’umuturage. Mbese ubwo koko kupyinagaza umuturage umudubiza inyuma mw’iterambere n’ikintu cyagakozwe n’intumwa za rubanda ? Reka njye nisabira umubyeyi dufite tuzi wita cyane k’ubaturage ariwe Nyakubahwa Umukuru w’igihugu cyacu ngo afashe abana b’u Rwanda iri tegeko risubirwemo kuko rirabangamye

Subiza
ABCD 13/01/2019 5:23 pm at 5:23 pm

IRI TEGEKO ABARISHIZEHO WAGIRANGO NTABWO BAZI UBUZIMA BWABANYARWANDA.

Subiza

Tanga Igitekerezo

Bwiza.com
error: Alert: Ntabwo byemewe!!