bwiza.com
Ahabanza » Mwiseneza Josiane yagabiwe inka y’inzungu n’uwo muri dayasipola
Imyidagaduro

Mwiseneza Josiane yagabiwe inka y’inzungu n’uwo muri dayasipola

Mwiseneza Josiane uri mu bahatanira ikamba rya nyampinga w’u Rwanda 2019 yagabiwe inka y’inzungu na Uwimana Jane usanzwe atuye mu Bubiligi.

Uwimana Jane wagabiye inka Josiane ni umubyeyi w’abana babiri asanzwe  anafite ibikorwa bitandukanye by’ubucuruzi akorera mu gihugu cy’u Bubiligi harimo Hotel yamagorofa abiri ahafite.

Nkuko inkuru yanditswe n’ikinyamakuru impamba ibivuga ni uko impamvu nyamukuru yatumye afata umwanzuro wo kugabira uyu Mwiseneza ari ubwitange yagaragaje ubwo yitabiraga iri rushanwa ku nshuro yambere akagenda n’amaguru ntacike intege kugeza magingo aya.

Mu kwishimira intambwe yateye akaba ariyo mpamvu nyamukuru yatumye amugabira inka, yagize ati“rwose ndakubwiza ukuri Josiane simuzi namumenye muri ibi bihe, ariko yatsinda atatsinda njye nzamugabira inka y’inzungu ndetse n’ikindi cyose nabonera ubushobozi nzakimufashamo”.

Mwiseneza yamenyekanye cyane mu ijonjora rya Miss Rwanda 2019 i Rubavu ku wa 16 Ukuboza 2018, ubwo yagendaga ibilometero 10 n’amaguru ndetse afite n’igikomere ubwo yitabiraga iryo jonjora.

Yakatishije itike yo mu mwiherero wa Miss Rwanda 2019 mu ba mbere, kuko itora ryo ku mbuga nkoranyambaga ryasojwe ariwe uri imbere y’abandi kuri ubu akaba yarerekeje mu mwiherero mu karere ka Bugesera we n’abandi ba bakobwa bari guhatanira ikamba rya nyampinga w’u Rwanda.

Jane Uwimana bivugwa ko yagabiye inka Mwiseneza

 

Izindi wakunda

Bwiza.com