bwiza.com
Ahabanza » Sudani: Perezida Bashir yeruriye abigaragambya
Amakuru

Sudani: Perezida Bashir yeruriye abigaragambya

Perezida wa Sudan, Omar Al- Bashir yakuriye inzira ku murima abigaragambya bumva ko bahindura ubutegetsi bwe, ababwira ko bibeshya.

Imyigaragambyo yatangiye mu mpera z’umwaka ushize, isaba Leta ya Bashir kugabanya ibiciro by’umukati n’ibya peteroli.

Perezida Bashir  kuri uyu wa 14 Mutarama 2019 yabwiye ikivunge cy’abaturage bo Mujyi wa Niyala mu ntara ya DarFur ko imyigaragambyo ntacyo yageraho ku bijyanye no guhindura ubutegetsi bwe.

Ati “ Imyigaragambyo ntizahindura Leta. Hari inzira imwe yo kugera ku butegetsi, ni amatora. Abaturage ba Sudan bazafata icyemezo mu 2020 ku muntu uzabayobora.”

Imyigaragambyo yatangiye mu mpera z’umwa ushize imaze kugwamo abantu 24. Inyubako nyinshi z’ishyaka riri ku butegetsi zaratwitswe hirya no hino mu gihugu.

Abashyigiye Perezida Bashir bavuga ko akwiye gukomeza gutegeka ko abiagaragambya ari abanzi bakunda akaduruvayo n’umutekano muke bati “ Guma ku butegetsi, guma ku butegetsi. Ntiyuzemerera abantu ko basahura, banatwika imitungo yacu.”

Perezida Bashir yashyiriweho impapuro zimuta muri yombi n’Urukiko Mpuzamahanga Mpanabyaha (ICC) ashinjwa ibyaha by’intambara na jenoside byazahaje Intara ya Darfur mu 2003.

Src: AFP

 

Izindi wakunda

Bwiza.com