bwiza.com
Ahabanza » Undi Munyarwanda yaburiwe irengero muri Kampala
Amakuru mashya

Undi Munyarwanda yaburiwe irengero muri Kampala

Umunyarwanda watangajwe ku mazina ya Rogers Donne Kayibanda yaburiwe irengero  ubwo yari ahitwa Kisasi, Kamala mu  Mujyi wa Kampala aho yari yatashye ubukwe bw’umuvandimwe we bwabaye kuwa 11 Mutarama 2019.

Uku guburirwa irengero kuje nyuma y’aho Umunyarwanda w’imyaka 33, Moses Ishimwe Rutare, wakoreraga mu Mujyi wa Kampala, yashimutiwe ahitwa Bugolobi n’abantu bakora mu Rwego rwa Gisirikare rushinzwe Ubutasi muri Uganda (CMI).

Ubutumwa bw’uwitwa Lionel Agaba Manzi kuri twitter bugaragara ku rukuta rwa twitter rw’ Umunyabanga wa Leta muri Minisiteri y’Ububanyi n’Amahanga, Amb. Olivier Nduhungirehe, buvuga ko Donne yatawe muri yombi ashinjwa kuba yarakoranye n’Ubutegetsi bw’u Rwanda mu myaka ishize.

Ubu butumwa buragira buti “ Uyu ni Donne, yafashwe n’abakozi ba CMI muri Kampala. Kuri ubu nta we uzi aho aherereye. Araryozwa kuba yarakoranye na Leta y’u Rwanda mu minsi ishize.”

Umuvugizi w’Igisirikare cya Uganda (UPDF), Brig. Richard Karemire yavuze ko ntacyo yatangaza kuri iyi ngingo ubwo yaganiraga na Chimpreports ariko yemeza ko urwego avugira rugiye gujora iperereza ryimbitse kuri iki kibazo.

Inkuru bifitanye isano: https://bwiza.com/2019/01/11/u-rwanda-ruribaza-niba-itabwa-muri-yombi-ryabaturage-barwo-muri-uganda-rizarangira/

U Rwanda ntirwahwemye kugaragaza ko iyi mikorere idahwitse ariko Uganda ivuga ko nta Munyarwanda wigeze atabwa muri yombi nta cyaha akekwaho.

Benshi muri aba Banyarwanda bagiye batangaza ko baba bagiye muri Uganda mu bikorwa by’ubucuruzi no gushakayo akazi gaciriritse mu turere twa Mbarara, Kabale, Kagadi,Mubende, Kiboga,Kibale, Hoima, Kyankwanzi n’ahandi.

 

 

 

 

Izindi wakunda

2 Ibitekerezo

Muhozi David 14/01/2019 10:11 am at 10:11 am

Arikose mwakabyaramwe nkibi nibiki iritabwa ryahato nahato ry’abanyarwanda muri Uganda rizahereza he he? Nonese nabwo nibagunge umupaka nihagire umunyarwanda wongera kwerekeza muri Uganda nabwo bigire inzira. Iki nikibazo gikomeye

Subiza
Muvunyi 14/01/2019 12:09 pm at 12:09 pm

Njye mbabajwe na bene wacu b’abanyarwanda batumva, Leta ya Uganda n’inzego zayo z’umutekano babangamiye uwitwa umunyarwanda wese aho ava akagera kandi mwibuke ko nta gihe abayobozi bacu batatugira inama zo kutajya muri kiriya gihugu ariko usanga iteka duhozayo akarenge, niba batadushaka iwabo mwaretse tukaguma iwacu Ko Museven atariwe Mana ireberera abanyarwanda ? Mwareka tugashakira ahandi twahahira , abandi tugashakira hano iwacu mu gihugu ko ntaho Imana itaduhera umugisha. Reka ngire icyo nibwirira abaturage ba Uganda, muri abavandimwe kandi kuva cyera na kare mwatubaniye neza bavandimwe, mbisabire ngo mwirinde abanyepolitike babi ntibaturyanishe kuko natwe nubwo tutari abanyapolitique ariko turi bakuru bihagije dushishoze neza abayobozi batazaduteranya kandi turi abavandimwe. Imana ihe umugisha u Rwanda n’abanyarwanda, Imana ihe umugisha Uganda n’abanya Uganda kandi Imana impere umugisha inshuti z’u Rwanda zose.

Subiza

Tanga Igitekerezo

Bwiza.com
error: Alert: Ntabwo byemewe!!