bwiza.com
Ahabanza » Ikipe ya Mukuru VS ifite umukoro utoroshye wo gutsinda 4-0 Al Hilal
Amakuru Imikino

Ikipe ya Mukuru VS ifite umukoro utoroshye wo gutsinda 4-0 Al Hilal

Ikipe ya Mukura Victory Sports ihagarariye u Rwanda mu marushanwa ya CAF Confederations Cup irasabwa kuzatsinda ibitego 4-0 ikipe ya Al Hilal Amdurman yo muri Soudan mu mukino wo kwishyura uzabera i Huye kugira ngo izabashe gukomeza mu mikino y’amatsinda ya CAF Confederations Cup.

Kuri iki Cyumweru tariki ya 13 Mutarama 2019 nibwo amakipe yombi yakiniye umukino ubanza I Khartoum muri Soudani ikipe ya Al Hilal Omdurman itsinda ibitego 3-0 ikipe ya Mukura Victory Sports.

Ni ibitego byatsinzwe na Mohamed Mukhtar, Idriss Mbombo na Mohamed Bashir bihita byongerera ingufu n’icyizere iyi kipe ko yazagera mu matsinda ikabasha no gufata ku mafaranga ahabwa ikipe yageze mu matsinda.

Byahise biba akazi gakomeye ku mutoza Haringingo Francis utoza ikipe ya Mukura kuko ikizere kuri we gisa nk’icyayoyotse bitewe n’uko umukoro afite n’abakinnyi be kugira ngo bazatsinde iyi kipe usa nk’aho udashoboka cyane.

Icyakora Al Hilal igomba kubanza gutegereza umukino wo kwishyura uzaba mu mpera z’iki cyumweru tariki 19 Mutarama 2019, umukino uzabera i Huye kuri Stade y’ako karere.

 

Izindi wakunda

Bwiza.com
error: Alert: Ntabwo byemewe!!