bwiza.com
Ahabanza » Kenya: Al Shabab yigambye ko ariyo yagabye igitero kimaze guhitana 15
Amakuru Politiki

Kenya: Al Shabab yigambye ko ariyo yagabye igitero kimaze guhitana 15

Abarwanyi ba Al Shabab bigambye bavuga ko aribo bagabye igitero muri Kenya, ku mugoroba wo ku wa Kabiri tariki ya 15 Mutarama 2019, igitero cyagabwe kuri Hoteli Ducit.

Nk’uko BBC ibitangaza, ngo amasasu menshi yumvikanye mu kigo kiri mu karere ka Westlands mu mujyi wa Nairobi, aha hakaba ariho hari Hoteli Ducit n’ibindi biro, imodoka ziratwikwa, hanumvikana amasasu menshi cyane.  Mu gitondo cyo kuri uyu  wa Gatatu, Al Shabab yo muri Somalia ikaba yatangaje ko ariyo yagabye icyo gitero.

Reuters itangaza ko hari umuntu wayihamagaye agira ati “Twatewe”. Igatangaza ko hari umugabo umwe wasohotse yuzuye amaraso ubwo hari abanyeshuri bahungishwaga.

Iki kinyamakuru cyabwiwe n’umugore ukora hafi aho,ati: “Natangiye kumva, numva imbunda zisakuza, Muri ako kanya natangiye kubona abantu biruka bamanitse amaboko bamwe binjira muri banki kwihisha”.

Ibiro ntaramakuru by’Abanyamerika AP, bitangaza ko abantu 15 aribo bamaze gusiga ubuzima muri iki gitero,

Charles Njenga, umwe mu babashije kurokoka, yagize ati “Byari biteye ubwoba cyane, ku bwanjye ibyo nabonye biteye ubwoba cyane”.

Mu mwaka wa 2013, nabwo Al Shabaab yagabye igitero muri Kenya mu iguriro rya Westgate Mall, abantu 67 bahasiga ubuzima.

Izindi wakunda

Bwiza.com