bwiza.com
Ahabanza » Muhanga : Abaturage babuzwa kubaka ibikoni basabye Abadepite kubakorera ubuvugizi
Amakuru Politiki

Muhanga : Abaturage babuzwa kubaka ibikoni basabye Abadepite kubakorera ubuvugizi

Mu biganiro byahuje abadepite bari mu ruzinduko mu karere ka Muhanga n’abaturage bo mu kagari ka Gifumba, mu murenge wa Nyamabuye , bamwe mu bahatuye bagaragaje ko hari abaturage bagifite umwanda mu ngo zabo ariko ngo hari n’abawuterwa no kuba hari abakirarana n’amatungo yabo mu nzu abandi bakazitekeramo kubera ko batagira ibikoni, kandi bakaba batanemerewe kubyubaka. Aha niho bahereye basaba abadepite kubasabira ubuyobozi bw’aka karere kubareka bakabyubaka maze bakarushaho kugira isuku.

Hon. Mutesi Anitha mu byo yaganirije  aba baturage harimo ibibazo bikibangamiye abaturage nk’igwingira ry’abana ,amakimbirane yo mu ngo maze anabakangurira kugira isuku mu nzo zabo aho batuye ,ku mubiri ndetse no ku myambaro yabo aha ni ho abaturage bahereye bamusaba kubasabira ubuyobozi bakabareka bakubaka ibikoni kuko nabyo bituma batagira iyo suku.

Ati «niba igihugu cyacu ari cyiza kikita ku baturage bacyo namwe nimugire isuku mu ngo zanyu no ku mibiri yanyu , mugire ubwiherero mube abaturage bacyeye bafite isuku »

Nzirayukuri Josephat utuye mu mudugudu wa Rugarama avuga ko muri uyu mudugudu hari abaturage bashaka kubaka ibikoni ngo babone aho batekera ariko bakabyanga ahubwo ngo icyo bemerewe gusa ni ukubaka ubwiherero ndetse n’aho kwiyuhagirira ,ibi ngo bituma abaturage bacana mu nzu bararamo abandi bakanazicyuramo amatungo yakabaye ajyanwa mu bikoni.

Agira ati« muradusaba kubaka za rondereza tuzazishyira he tutubaka ibikoni , ni gute umuntu yaba afite itungo akaricyura mu nzu nawe araramo akazagira isuku ,turasaba ko umuntu wagize amahirwe akagondagonda akazu yakwemererwa akubaka aho atekera noneho isuku nayo ikaniyongera»

Narame Chantal nawe utuye muri aka gace avuga ko bangirwa kubaka bavuga hatuwe n’abakire gusa nyamara nta bakire bahari bigatuma abana babo babuzwa kubakwa ngo babone aho batura.

Agira ati« twavukiye hano turahakurira ariko kubona umwana wawe ajya kubaka ngo agire urugo mukabyanga ,nimuturekere abana bacu bubake babone aho baba»

Umuyobozi w’akarere ka Muhanga Uwamariya Béatrice avuga ko nta muntu wabujijwe kubaka  yabisabye ahubwo ngo kuko aka gace kari mu mujyi bisaba kwitonda cyane ibyo babona birenze bakabigishaho inama.

Izindi wakunda

Bwiza.com
error: Alert: Ntabwo byemewe!!