bwiza.com
Ahabanza » Abavuga ko bavura indwara zizwi n’izitazwi basibiwe amayira
Ubuzima

Abavuga ko bavura indwara zizwi n’izitazwi basibiwe amayira

Basanzwe bavurisha amakara, ibyatsi, ibimera, ibumba, amahwa, amagufa, icyondo, igitaka,  ubufindo n’ubukonikoni, bavura inyatsi n’akabariro, ariko amayira yabo asa n’amaze kubyara amahari.

Mu gihe hirya no hino mu Rwanda hakomeje kuvugwa abantu bvavuga ko bavura indwara zose, cyane cyane izananiranye, Minisiteri y’Ubuziuma yahagarurukiye aihagarikwa ryo kwamamaza ubwo buvuzi bwabo budafitiwe icyizere.

Muri aba bavuzi biganjemo abitwa aba gakondo bavurisha byinshi binyuranye bikomoka ku binyabuzima, bamwe muri bo bakavurisha ibigaragara kandi bifatka, mu gihe abandi bo bavuga ko bavurisha imbaraga zitagaragara. Iyamamazabikorwa ryabo ryakorwaga ahanini ku Maradio hafi ya yose yo mu gihugu, ndetse na Radio ya Leta idasigaye.

Aba bavuzi nubwo batigiye hamwe umwuga wabo, usanga bahuriza ku ndwara bavura. Nk’igifu, inzoka, impyiko, umutima, umwijima, ibihaha, igisyo, ifumbi, inyatsi, kunanirwa gutera akabariro, n’ibindi.

Hari abatanga ubuhamya mu biganiro binyura kuri Radio, bavuga ko bafashijwe cyane n’iyi miti, ariko hari n’abandi babikerensa bavuga ko ntacyo byabamariye, ko ahubwo kur bo babibona nk’ubutekamutwe

Hagati aho, itangazo ryasohowe na Leta y’u Rwanda binyuze kuri Minisitiri w’Ubuzima Dr Diane Gashumba, rirahagarika ibikorwa byose byo kwamamaza ubuvuzi mu nzira izo ari zo zose z’itangazamakuru cyangwa se z’imbuga nkoranyambaga (Social Media).

Iri tangazo risoza kand rimenyesha ko Minisiteri y’Ubuzima n’Ikigo cy’Igihugu Gishinzwe Imirimo Ifitiye igihugu Akamaro (RURA) bazafatanya gukurikirana ishyirwa mu bikorwa ry’iki cyemezo cyasohowe mu mabwiriza ya Minisitiri.

Kanda hano usome Amabwiriza ya MINISANTE ku bamamaza ibikorwa by’Ubuvuzi

NTWALI John Williams

Izindi wakunda

Bwiza.com
error: Alert: Ntabwo byemewe!!