bwiza.com
Ahabanza » Rwamagana: Mwiseneza Josiane yateje impaka mu banyeshuri bo mu mashuri yisumbuye
Amakuru Imyidagaduro

Rwamagana: Mwiseneza Josiane yateje impaka mu banyeshuri bo mu mashuri yisumbuye

Ku mugoroba wo kuri wa Gatatu ahagana saa kumi n’iminota 45  umunyamakuru wa Bwiza.com yasanze itsinda ry’abanyeshuri bava ku ishuri  bagera kuri 15 bari mu mpaka hagati y’abemeza ko Mwiseneza Josiane ariwe ugomba kuba Miss Rwanda 2019 hari na bake bemeza ko akwiye kuba miss ukundwa na Rubanda aho kuba Miss Rwanda 2019.

Ku ruhande rw’abifuza ko Mwiseneza ariwe ukwiye kwambara ikamba rya Miss Rwanda bemeza ko abikwiye kubera kwigirira ikizere no kuba yaba urugero ku bakobwa batigirira ikizere bakitinya kandi bafite ubushobozi Umunyamakuru yegereye aba banyeshuri bambaye impuzankano ya G.s SAINT VINCENT DE PAUL bigaragara ko bari bavuye kwiga .

Umwe mu bashyigikiye Josiane yemeza ko ariwe ukwiye kuba Miss Rwanda 2019 bitewe nuko akunzwe n’Abanyarwanda benshi ndetse akaba yaragaragaje ko nta mpamvu yo kwitinya .

Aragira: “Miss agomba kuba Josiane kuko amaze kubaka izina kuburyo n’ababaye ba miss ntawakunzwe nka Josiane ,uburyo yifitiye ikizere mbona abaye miss byaba inyungu ku bakobwa twese kuko byaba ari urugero rwiza rwatuma abakobwa benshi batinyuka bakigiririra ikizere kuko yabitangiye hari abamuseka ariko ubu abantu bose bamufitiye urukundo batamuzi ndetse si umukire kuburyo wenda wavuga ngo arabagurira kugirango bamutore ,kandi urebye twese turamushyikiye,abatamukunda ni bake cyane ntabamubuza gutsinda kandi twiteguye ko azegukana ikamba kandi uwo munsi tuzaba tureba tv tureba Josiane wenyine.”

Hari n’abemeza ko Josiane ashobora kutazatsinda kubera amarangamutima y’akanama nkempuramaka gashobora kuzatungurana.

Umunyeshuri ati: “Mwiseneza arakunzwe cyane kandi niwe watumye Miss Rwanda ikundwa cyane ahantu hose ikiganiro ni Mwiseneza Josiane nkubu kuva tugeze ku ishuri kuwa mbere tuba tuganira kuri Josiane kuburyo buri wese aba amwifuriza kuba Miss Rwanda ,ariko ikibazo nuko abazatanga amanota ku munsi wa nyuma bashobora kuzagendera ku kureba ubwiza bwonyine ugasanga abisize mukorogo nibo batsinze ariko Josiane niwe wari ubikwiye gusa dutegereje n’amatsiko menshi naba miss tuzishima birenze ariko nataba we bizaba bibabaje tuzihangana”.

Umunyamakuru yagerageje kuganira n’abadashyigiye ko Mwiseneza Josiane ataba Miss Rwanda 2019

Umwe muri abo banyeshuri ati: “Miss njye numva ari umukobwa urusha abandi ubwiza niyo mpamvu mbona ataba miss kuko nubwo ashyigikiwe ariko abaye miss yahagarira u Rwanda niyo mpamvu mbona hazatoranywa umukobwa ubarusha ubwiza bose icyo mbona bamugira Miss ukunzwe n’abantu”.

Abanyeshuri bavuga ko impakan bari barimo bazihoramo kandi ko zitashira kugeza hamenyekanye Miss Rwanda 2019.

 

Izindi wakunda

1 Igitekerezo

Bosco 17/01/2019 10:50 pm at 10:50 pm

Ariko Mwiseneza muvuga yakoziki ? nta na Miss wumurenge akwiriye nkanswe igihugu

Subiza

Tanga Igitekerezo

Bwiza.com
error: Alert: Ntabwo byemewe!!