bwiza.com
Ahabanza » Umukozi wa BBC yanze akazi ko kuyobora Premier League
Amakuru Imikino

Umukozi wa BBC yanze akazi ko kuyobora Premier League

Shampiyona y’icyiciro cya mbere y’umupira w’amaguru mu Bwongereza ikomeje kubura umuyobozi nyuma y’aho umukozi mukuru wa BBC, Tim Davie abaye umuntu wa kabiri wanze kuyobora iyi shampiyona izwi nka Premier League.

Ubusanzwe Tim Davie ni umukozi wa BBC ushinzwe ibikorwa by’ubucuruzi. Uyu akaba yabwiye abo ayobora ko azaguma mu kazi ke.

Ni mu gihe shampiyona ya Premier League ngo imaze iminsi ishakisha uwasimbura Susanna Dinnage, nawe bivugwa ko akora mu itangazamakuru.

Yasezeye kuri iyi mirimo mu byumweru bitatu bishize mu gihe mu Ugushyingo ari bwo yari yasimbuye Richard Scudamore.

BBC dukesha iyi nkuru iravuga ko nta bisobanuro byatanzwe kuva aho Dinnage afatiye icyemezo cyo kuguma mu kigo cy’itangazamakuru cya Discovery.

Tim Davie yigeze kuba umuyobozi w’agateganyo wa BBC mu Ugushyingo 2012 kugeza muri Mata 2013, akaba yari umwe mu bifuzaga kuyobora Premier League ubwo Dinnage yatsindaga.

Premier League yifuzaga ko ari we wajya kuri uyu mwanya ariko undi avuga ko nta kibazo afite aho ari gukora muri BBC. Kugeza ubu iri rushanwa nta muyobozi nshingwabikorwa rifite, ariko uwitwa Richard Masters niwe uyiyoboye by’agateganyo.

 

Izindi wakunda

Bwiza.com
error: Alert: Ntabwo byemewe!!