bwiza.com
Ahabanza » Nyaruguru/Kivu: Poste de santé imaze imyaka itanu ikora kabiri mu cyumweru
Amakuru mu Rwanda

Nyaruguru/Kivu: Poste de santé imaze imyaka itanu ikora kabiri mu cyumweru

Ubwo itsinda ry’abadepite mu nteko ishinga amategeko ryasuraga umurenge wa Kivu mu karere ka Nyaruguru, ryatunguwe no kubona poste de santé imaze imyaka itanu ikora kabiri mu cyumweru gusa.

Ni mu mudugudu wa Rusuzumiro, akagari ka Kivu mu murenge wa Kivu. Inzu y’ibyumba bisaga bine yuzuye mu 2013 yubatswe na leta,  igomba gukora nka poste de santé. Irimo ibikoresho biringaniye, byifashishwa mu kuvura indwara z’ibanze nka malaria, inzoka zo munda n’ibicurane. Nta bagore bahabyarira, nta hagenewe kuraza abarwayi. Nta bizamini bihatangirwa.

Magingo aya, abarwayi baracyakora urugendo rw’ibirometero hafi bitanu bajya ku kigo nderabuzima cya Kivu, kuko baba batizeye ko umuganga yaje kuri poste de santé. Aha hamenyerewe ko umuganga ahagera kabiri mu cyumweru aturutse ku kigo nderabuzim kubera ubuke bw’abaganga. N’iyo yaje kandi, akora byose (gusuzuma, kwishyuza, kuvura no gutanga imiti ) kandi indwara ashoboye akazivura.

Ibi nibyo bituma n’abarwayi benshi bakayigannye bemera abakayicaho bakomeza ku kigo nderabuzima, kuko baba batizeye ko muganga yaje, yaba yanaje ntabashe kubakorera byose.

Ikibazo cy’abaganga bake

Haba ubuyobozi bw’ikigo nderabuzima cya kivu kireberera iyi poste de santé, haba n’ubw’akarere, bose bahuriza ku buke bw’abaganga; gusa meya w’akarere we akanavuga ko hari gahunda yo kwegurira abikorera postes de santé zose ziri mu karere.

Umuyobozi w’akarere ka Nyaruguru, Habitegeko Francois ati, “Kubera ikibazo cy’abaganga bake ku ma centre de sante badashobora kuvura ngo banaboneke buri munsi kuri post de sante, posts de sante zose twazihaye abikorera ngo bazikoreshe. Twasinyanye amasezerano na society for family health , ubu bari gushaka abaganga no kugura ibikoresho. Turatecyereza ko service izaba nziza kurusha uko biri ubu. Na Kivu iri muri iyo gahunda”.

 

Izindi wakunda

Bwiza.com
error: Alert: Ntabwo byemewe!!