bwiza.com
Ahabanza » Congo: Miliyoni 432 z’amadolali y’amerika nizo zakoreshejwe mu matora ya 2018
Amakuru Politiki

Congo: Miliyoni 432 z’amadolali y’amerika nizo zakoreshejwe mu matora ya 2018

Mu kwezi k’ukuboza, mu mwaka w’2018 urwego rw’igihugu rushinzwe amatora (CENI) mu gihugu cya repulika iharanira demokarasi ya Kongo rwatangaje ingengo y’imari yakoreshejwe mu gutegura amatora.

Uru rwego rwatangaje ko hateganyijwe nibura amadolali y’amerika asaga miliyoni 432 mu myiteguro y’amatora y’umukuru w’igihugu, inzego z’ibanze n’abagize inteko ishinga amategeko.

Umubare munini w’iyi ngengo y’imari wakoreshejwe mu kugura imashini zifashishijwe mu matora (voting machines) aho zatwaye akayabo k’amadolali y’amerika asaga miliyoni 157 n’ibihumbi 7 ku mashini zisaga 105,149. Aya mafaranga yateganyijwe mu ngengo y’imari ya 2018 yashyizwe ahagaragara ku wa 24 ukuboza, 2018. Akaba angana n’10% by’ingengo y’imari y’igihugu.

Perezida Kabila ucyuye igihe yatangarije”International Crisis Group” ko Leta ariyo igomba gutanga ayo mafaranga nta nkunga z’amahanga bakeneye. Urwego rushinzwe amatora(CENI) mu nama y’umuhezo rwagiranye n’abanyapolitiki, abagaharariye ibihugu byabo muri Kongo rwatangaje ko rushobora kwakira inkunga y’amahanga mu gihe nta mitego yaba iyiziritseho. Ku wa 31 Mutarama, 2018 perezida w’uru rwego Corneille Nangaa yatangaje ko habaruwe abenyekongo basaga miliyoni 46 bemerewe gutora, umubare utandukanye n’uwari witezwe, aho byari biteganyijwe abasaga miliyoni 41. Iri barura ryakozwe na Leta ku bufatanye na”MONUSCO”, na Kiliziya Gatolika yakoze igenzura.

Amatora y’umukuru w’igihugu muri Repulika iharanira demokarasi ya Kongo yagiye asubikwa kenshi kuva mu w’2016. Leta ya Kabila ntiyahwemye kugaragaza ko idafite amikoro ahagije yo gutegura amatora. Amahanga yigeze kwemerera iyi Leta inkunga ku buryo amatora yari gutwara akayabo ka miliyali imwe na miliyoni umunani z’amadolali y’amerika, icyokora Kabila ucyuye igihe yabiteye utwatsi kuko hagombaga gutangwa imashini zivuye I burayi zagombaga kwifshishwa mu matora Perezida Kabila abihakana yivuye inyuma agaragaza ko uwo ari umugambi wo gushaka kwiba amajwi, bityo hagtorwa uwo ba gashakabuhake bifuza. Repulika iraharanira demokarasi ya Kongo ni kimwe mu bihugu 11 bikennye cyane kurusha ibindi ku isi nubwo gikungahaye ku mutungo kamere.

Mbarubukeye Etienne

Izindi wakunda

Bwiza.com
error: Alert: Ntabwo byemewe!!