bwiza.com
Ahabanza » Kigali: Hibazwa impamvu hatihutiwe gukemura ibura ry’amazi aho kuba izamuka ry’ibiciro
Amakuru Ubuzima

Kigali: Hibazwa impamvu hatihutiwe gukemura ibura ry’amazi aho kuba izamuka ry’ibiciro

Imwe mu myanzuro yafashwe n’inama y’abaminisitiri idasanzwe yo ku wa 28 Mutarama 2019 iyobowe na Perezida wa Repulika, harimo uwerekeranye n’ibiciro bishya by’amazi mu mijyi. Uyu umwanzuro ntiwakiriwe neza n’abamwe mu baturage bo mu duce dusanzwe turangwamo ibura ry’amazi  rya hato na hato aho bibaza niba kuzamura ibiciro aribyo byihutirwaga aho gukemura ibura ry’amazi usanga rigaragara mu uduce tw’imijyi.

ubuyobozi bwa WASAC butangaza ko abakoresha amazi make batazahura n’izamuka ry’ibiciro nkuko bitangazwa n’umuyobozi mukuru enjeniyeri Aime Muzora aho agira ati”Ibiiciro by’amazi byazamuwe mu rwego rwo gusana imiyoboro y’amazi ishaje, Kurushaho kugeza amazi ku baturarwanda bose kandi ko ibikoresho byifashishwa mu gusakaza amazi bihenze ugereranyije n’imyaka ine ishize. Ingomero ziziyongera bityo haboneke amazi ahagije”.

Hari abafata amazi nk’imbonekarimwe

Bamwe mu baturage batuye i Kanombe bavuga ko bamaze amezi abiri badaca iryera amazi. Bakomeza bavuga ko niba kongera ibiciro by’amazi bizatuma na bo bayabona ari byiza, ariko sicyo cyari gikwiye kubanza, bakavuga ko niba koko kuzamura ibiciro by’amazi aricyo gishobora gutuma amazi abonekera igihe byaba ntacyo bitwaye, ariko ko niba ntacyo bizakemura byaba ari ikibazo. Umugwaneza Yohani Mariya Viyani utuye mu mujyi wa Kigali avuga ko asanzwe agura ijerikani ku mafaranga 200 nabwo akayabona bimugoye.

Yifuza ko kuzamura ibiciro byajyana no kubona amazi igihe cyose ntabe imboneka rimwe kandi abahenda. Subuhoro Shadaraki yungamo ko ikibazo cy’amazi mu duce tumwe na tumwe two mu mujyi wa Kigali gisa nk’icyaburiwe igisubizo akibaza impsamvu hihutora kuzamura ibiciro aho kubanza gukemura ikibazo cyibura ryayo. Uyu Subuhoro avuga ko kuzamura ibiciro atari byo byihutirwaga, WASAC yagombaga kujyeza amazi ku bantu bose ikabona kongera ibiciro.

Abatuye mu kagari ka Rwampala bavuga ko kubona amazi kuri bo ari ibitangaza. Ibi bihuzwa n’ibura rya hato na hato. Mu kagari ka Biryogo, umudugudu wa Biryogo amazi yabuze ku cyumweru tariki ya 27 Mutarama kugeza ku wa kane tariki ya 31 Mutarama 2019, abaturage ntibaramenya icyo WASAC ibura ngo ibahe amazi.

Uko ibiciro bishya by’amazi bihagaze

Ibiciro by’amazi ku bakoresha metero kibe zitarenze eshanu( m³) ku kwezi ntibizahinduka. Inganda Nazo mu rwego rwo kuzorohereza, ibiciro ntibizahinduka.

Litilo 1000 z’amazi zizaba zihagaze amafaranga y’u Rwanda 895. Ibi bivuze ko litilo imwe y’amazi iri munsi y’ifaranga rimwe. Ibi bireba abakoresha metero kibe(m³) zirenze eshanu ku kwezi hatarimo inganda.

Ubusanzwe ku mavomero rusange ijerikani imwe yaguraga hagati y’amafaranga 30-50 y’u Rwanda.

Mbarubukeye Etienne

Izindi wakunda

Bwiza.com
error: Ntibyemewe