bwiza.com
Ahabanza » Ndi umukobwa w’imyaka 24, nisanze nkora mu rugo rw’umusore w’umuselibateri, ndumva mfite ubwoba- NKORE IKI?
Amakuru Urukundo

Ndi umukobwa w’imyaka 24, nisanze nkora mu rugo rw’umusore w’umuselibateri, ndumva mfite ubwoba- NKORE IKI?

Nitwa Olive, mfite imyaka 24 y’amavuko, nize amashuri abanza n’ayisumbuye ndayarangiza. Iwacu ni mu karere ka Ruhango ariko nkaba nkorera akazi ko mu rugo mu Mujyi wa Kigali, Kimironko.

Inkuru yanjye ni ndende ariko ndagerageza nyihine, nkaba mbasaba inama kuko nisanze mu ihurizo ritoroshye.

Mva mu rugo, nahamagawe n’undi mukobwa twiganye ambwira ngo ngiye gukora akazi ko mu rugo ariko gahemba neza amafaranga afatika. Navuye mu rugo ambwira ngo bazajya bampemba ibihumbi mirongo irindwi (70.000Frs), gusa mpageze bampembye mirongo itandatu (60.000Frs) kuko basanze hari ibyo ntazi gukora ngomba kubanza kwiga.

Mu by’ukuri narebye ayo mafaranga, nsanga nta gihombo kirimo kuko mpaba, nta kintu na kimwe nigurira, nkasanga ukwezi kuzajya kujya kurangira nta kintu na kimwe nkeneye uretse wenda Cotex, mfatiraho, akazi mba ndagatangiye.

Mu by’ukuri uwakandangiye yambwiraga ko ari umugabo n’umugore ngiye gukorera batagira umwana n’umwe. Nibyo koko niko nabisanze, ukwezi kwa mbere kwarangiye mbona umugore abyuka mu gitondo akajya mu kazi, na boss akatsa imodoka akagenda cyangwa rimwe na rimwe bakajyana.

Nko mu cyumweru mabuja yakajyagamo nka gatatu ariko boss we agenda buri munsi agataha nimugoroba. Tuba mu gipangu kiza rwose, gitahamo n’iyo modoka ya boss, mbese ni urugo rwifashije.

Ikibazo cyaje kuvuka gutya: Hashize ibyumweru bibiri mabuja mbonye apakiye ivarisi aragenda, ntabwo yigeze ansezeraho, nabonye ashyira ibintu bye muri iyo modoka mbona ajyanye na boss, si nzi aho yagiye, kandi si nabona n’uko mbaza boss aho yagiye.

Ubu mba muri iyo nzu n’uwo muboss, nta bandi bantu baba muri icyo gipangu, nkirirwamo njyenyine. Tukakiraramo turi babiri. Ndategura uko byari bisanzwe akampa amafaranga atubutse nkahaha ibyo ambwiye nanjye nkanapyeta, nta kibazo mbona na kimwe aba afite cy’amafaranga. Gusa uko iminsi igenda iza niko ngenda menyana n’abaturanyi baho bakagenda bambwira amakuru.

Umubyeyi duturanye twaraganiriye mubwiye ko mabuja ntazi aho yagiye aranseke cyaneeee!!! Ati humura mu minsi iri imbere buriya uzabona undi nyokobuja, ndatungurwa. Gusa yambwiye ko uwo musore nta mugore agira, azana umukobwa bakeka ko ziba ari indaya zihenze azana, bakamarana nk’amezi atatu, igihe bavuganye cyagera akamusezerera agataha, igihe cyagera akazana undi, gutyo gutyo.

Ikindi ngo ntabwo ajya akoresha abahungu, akoresha abakobwa, bagacyeka ko mu gihe aba atari yazana undi mugore aba aryamana n’umukozi ariko nta makuru ahagije bafite niko bakeka. Ngo kuko n’abakozi akoresha aratoranya ku isura, yasanga udakanyakanya ntagukoreshe.

Mbese ubu ndaryama nkarara numva ntatuje, si nshobora kurara nisanzuye, ndara nambaye hasi no hejuru. Ikintu kirakoma nkikanga ko anyinjiranye kandi mba nafunze, mbese ndamutinya bidasanzwe bitewe nibyo bamumbwiyeho. Gusa ni umusore ubona ko yiyubashye, utanavuga byinshi. Uwahandangiye akazi yambwiye ko ashobora kuba yigisha siyansi muri kaminuza.

Ndibaza, ese ubu nsezere ntahe? Nkongera nkisubiza nti ‘Ese ndasezera ku kazi kari kameze neza ntacyo mbaye kubera iki? Nacyo nkakibura! Mbese nirirwa nibaza nkanisubiza nkaba ntegereje kuzumva icyo ambwira kuko ibyo nakoraga n’ubundi nta cyahindutse. Mungire ina, nkore iki?

Izindi wakunda

18 Ibitekerezo

Nicole 31/01/2019 11:44 pm at 11:44 pm

uzagure condoom uge uzirarana uziyambikeho nagusagarira uzazimutegeke atazakwicira ubuzima ashobora kuba afite nindwara nabo bagore bandi ahora ahinduranya niks ifaranga ube ukora uzatahe ufite icyo nawe uzimarira kandi wirinde kuvuga menshi nabaturanyi sibyiza .

Subiza
kananura 03/03/2019 9:22 pm at 9:22 pm

hhhhhhh ngo wumviseeeeee!!!!!! ahubwo uri injajwa kabisa ! ko ntacyo yigeze agusaba se uri kumusebya kuko aguhemba neza?Gukoresha abantu b ubwenge bukeya niko bimera!! urahagurutse ushebeje shobuja araguhemba ntiyigeze agukorera ibyo uvuga , n abo bagusukamo igambo ntagihamya! ubwo se uba wabuze icyo ukora? Niba akazi ari gakeya reba aho wisumamo bakwigishe ibyo utaramenya icyo utazi iyo umuntu yabuze ibyo akora atwarwa n amagambo! nkubwo nakwirukana ugasubira mubukene uzicuza!

Subiza
kamana 01/02/2019 12:08 am at 12:08 am

Tegereza uzarore ko azagucokoza aguahaka ho ubusambanyi…Nubona abitangiye uzaba ubonye impamvu yo kumusezera. Ibyo ari byo byose ubuzima bwa we, burahenze gusumba umushahara uwo ari wo wose yaguha. Ahubwo bene nk’uwo n’uwo kwitonderwa kuko umugabo utindikira abagore mu nzu atarongoye abasimburanya n’uwo kwitondera byimaze yo.

Subiza
Kamina 01/02/2019 12:03 pm at 12:03 pm

Banza wirebere ureke kugendera ku mabwire. Ikindi tegereza ko agira icyo akubwira amahitamo ni ayawe igihe azaba abishatse. Ubundi se nkwibarize waba uri isugi? Wabonye akazi keza kabungabunge ariko unabungabunge ubuzima bwawe. Imirimo hanze yarabuze. Nabigusaba uzamutege condom ubundi ubuzima bukomeze.

Subiza
Ehud 02/02/2019 12:12 pm at 12:12 pm

Ariko ubanza ushaka ko agira icyo akubaza? Ngo Ku isura iyawe se uzi ko ayishima? Nanga ayo mwigira!¡!

Subiza
Pdd 02/02/2019 12:51 pm at 12:51 pm

Muzipimishe mujye kumurenjye ubundi umuhe care biranjyire umwegukanye uwari boss wawe Abe umukwe wababyeyi bawe

Subiza
Mama Nikita 02/02/2019 3:55 pm at 3:55 pm

Wigira ubwoba, burya muntu aterwa ubwoba n’ikintu atumva(adasobanukiwe) neza. Shaka amakuru yose ashoboka kuri uwo musore, umenye amazina ye ya nyayo, umenye aho avuka, ababyeyi/abavandimwe be, umenye aho akora, umenye icyo akora, umenye inshuti ze asura, umenye amateka ye, umenye impamvu atarongora, umenye buri mukobwa azana buri gihe cyose uwo ariwe n’aho bajya nyuma yo kuva aho (utunge details zabo bose bose harimo na pictures zabo), utunge amafoto ye ndetse na copies z’ibyangombwa bye, ushake echantillon ishobora gukurwaho ADN ye mu gihe bibaye ngobwa….hanyuma nurangiza unamenye imitekerereze ye, umenye icyo akunda, umenye uko agufata, uko afata abaturanyi, umenye uburyo atekereza politique y’igihugu, umenye uko abona imbere he, umenye buri kimwe cyose kuri we. Hagati aho ariko uzashyire camera mu cyumba cyawe uraramo, ubundi utuze utegereze ko mayibobo igucokoza. Birasaba ko ubika records z’ubuzima bwa buri munsi bwo muri icyo gipangu, kandi wakumva ugize ubwoba bukabije ukishinganisha muri Police cg RIB (niba atari umukozi wabo). Ugomba gushaka escape strategy/route mu gihe waba usumbirijwe, kandi ukaba sure ko ufite umuntu w’inshuti yawe ya hafi cyane imenya amakuru yawe ya buri munota (si ngombwa ko umubwira situation yawe ubayemo). Iga kuganiriza uwo musore gahoro gahoro, kimwe n’zo ndaya zose azana aho, buri wese muganire ku buryo ugabanya intera iri hagati yawe nabo, bizatuma umenya byinshi kuri bo. Strategie imwe ikomeye abantu bajijutse dukoresha ni ukubaha no guca bugufi birengeje urugero (extreme respect, like a courtier). Urugero: Niba wateguraga ibiryo ku meza gusa, ubutaha uzikoze mu mujyi ugure indabo uze nazo uzitegure ku meza hamwe n’ibiryo, kwanza abanze amenyere kujya arya areba indabo. Urundi urgero: uwo musore nataha nimugoroba ca bugufi umukuremo inkweto n’amasogisi, nusanga afite ibyara byakuze yananiwe guca, umusabe uzimucire…numukorera utwo tuntu uzaba wamurangije, kumenya ibye byose bizakorohera (ibi nkubwiye ni amategeko ya 3, 14, 18, 24, 33, )….Ndakubwiza ukuri ko uko uzagenda umenya byinshi kuri we niko uzagenda urushaho kumutinyuka, kugera aho uzareka kurara wambaye nk’ikigori, ukajya urara wiyambariye ubusa nkanjye. Ugomba kwirinda ko uwo muntu musore yakwinjira mu maguru kabone n’ubwo umutima wawe waba ubiguhatira kubera wenda yaguhaye frw menshi cyane, just uzacecekeshe umutima wawe wirinde. Sasa rero ngaho va hasi ukoreshe ubwenge bwawe, gusa sinzi ko ibyinshi uzabyishoborera kuko n’ubwo ngo warangije secondaire ariko imyigishirize y’uyu munsi iteye ubwoba, kuba byonyine ukora akazi k’ubuyaya ni kimwe mu bibyerekana, kuba uza kugisha inama kuri bwiza. com kikaba ikindi gihamya ko abana b’iki gihe mutigishwa gutekereza bihagije. Ikindi nari nibagiwe: Iga gusenga, usenge isengesho rimuhatira gukora icyiza (singombwa ko ujya mu madini, just mu cyumba cyawe kirahagije), kandi usabe guhishurirwa uwo muntu uwo ariwe niba anafite intentions mbi kuri wowe; ndakubwiza ukuri ko bizagera igihe bigakunda ndetse n’inzira mbi arimo akazihindura, ibi ariko birasaba ko nawe uba uri clean, ukareka inzira mbi niba hari izo urimo nk’izo zo gupyeta ! Bonne chances rero, life isn’t easy but it’s beautiful.

Subiza
DK 05/02/2019 8:54 am at 8:54 am

Hahaha!
Ngo ingeso mbi nk’izo zo GUPYETA!

Ahangaha uranyemeje! Can’t stop laughing

Subiza
Kanzayire 02/03/2019 5:15 pm at 5:15 pm

@ mama Nikita ko numva ufite ibitekerezo byiza byamufasha.kandi ukaba wakomojeho uvuga ko atabyifasha ese waba uri hafi ngo muzahure umufashe? Wenda wazaramira ubuzima bwe!

Subiza
Johnny 31/03/2019 7:45 am at 7:45 am

Urateye ubwoba. Iyi mipango yose uyikurahe?

Subiza
Epipode 02/02/2019 10:18 pm at 10:18 pm

Ako Utanguy Kwirya Atco Arakubaza Ubund Wavuy Iwanyu Utaj Gushaka Amafranga Emera Agukore Ivyo Ashak

Subiza
Birikunzira 04/02/2019 7:34 am at 7:34 am

Ndabona nawe umufitiye ifemba tu. Reka kwijijisha! Ashobora kuba ahinduranya abagore ariko ntashobora kuryamana n’umukozi we wo murugo. N’ukwisuzuguza!! Nanjye ndi umusore kandi nkoresha umukobwa/gore nk’umukozi wa murugo. Sinshobora gukora blague nawe cyangwa kumubaza ibijyanye n’igitsina!
Ikindi nakubwira n’ukureka kumva amabwire. Kora akazi kakuzanye ibindi ubireke. Nagufata kungufu uhamagare polisi. Ariko n’agusaba mu kinyabupfura n’uburenganzira bwawe kumukatira ukanamusezera cyangwa kumwemerera ukamuha n’izindi cares. Kwipimisha n’ingombwa biramutse bibaye bityo.

Subiza
henries 21/02/2019 4:47 pm at 4:47 pm

umva mwana woe rindira utegereze icyo azakubwira

Subiza
Nicole 28/02/2019 10:47 pm at 10:47 pm

Umva nkubwire wowe ugira imico mibi cyane kuko ntabanga ugira ujya kuganira shobuja mu baturanyi kandi ibanga rya kazi riba ricyenewe ariko wowe watangiye ku mutekerereza uko atari umugabo wi ndaya uti yubaha nubwo umugorewe yaba ahari yakurongora ariko mumaranye iminsi munzu ata kubaza ntabwo ya bikora afite ikinyabumpfura ntandaya acyura wahasanze umwe yaragiye wenda ari kukazi aza garuka ahubwo niba asoma bwiza .com ahite akwirukana kuko uri injiji uri kumuteza abaturanyi na bandi bitari ngombwa uri njajwa wirirwa mumagambo aho mutuye kuko we aza ananiwe yiviriye mukazi nawe wiriwe umutaranga ubeshya iyaba ari ndaya yari kuba anaze kuzana avagore bijoro rimwe benshi ntanumwe urabona usibye uwo wagasanze uzacyizwe azareke uburaya bwawe uri umwana mubi ariko kritso ara gutegereje ngo akugirire neza iyo uza kuba uri muzima ufite indero wari kuba wara mubajije uka musezerera kugirango wirinde icya kugusha mucyaha rero wowe ura mushaka ushaka ko yakubaza ariko ni mpfura ntiyabikora gukoresha abakobwa beza ntabwo ari kosa kuko ni umusirimu ntiwakoresha umuntu usa nabi iwawe munzu ahubwo afite ikinyabumpfura abaturanyi wirirwana nabo ni abanya magambo batagira akazi birirwa batara amakuru mungo zabandi usabe uwiteka aguhe ubwenge

Subiza
JUVENAL 02/03/2019 10:03 am at 10:03 am

UMVA MUKOBWA. UBUSANZWE AMAGAMBO UKOBWA AVUGA NIYO ATUMA URAMBAGIZWA.
WAVUYE MURI UBWO BUJA BWOGUTEKERA INDAYA UKO NUKWISEBYWA. WOWE UBWAWE. NONE UZI AKAMARO KO KWIGA. UBAYE UKAZI NIWAKAVUZE AYO MATESHWA. WABONYE ITIKE UZASUBIRE IWANYU UTANGIRE KWIKORESHA UTEREKE AMATA UCURUZE SODA. VA KUMBWA. IHINDURANYA ZA MALAYA. NAHATO UTAZICUZA WAMAZE GUTA IBITEREKO.

Subiza
sibo 25/03/2019 4:09 pm at 4:09 pm

impamvu ataragira icyo agusaba nuko icyawe atagikeneye ubwose wowe ucugusa inkono agusabye ntiwaba usubijwe ahubwo njya usenga cyane azagusabe maze nawe wake ureke ubusutwa urumva ko nakenera kugira icyo akemura azazana abo asanzwe azana igihe bavuganye nikirangira bagende nawe aruhuke

Subiza
NKUNZIMANA Donatien 31/03/2019 10:13 am at 10:13 am

OYA NTAKAZI NKAKO WAKWITESHA BWABA ARI UBUGORYI.WE KOMEZA IMIRIMO HANYUMA NANAGUSABA UZAMUHE WASANGA ANAKUGIZE UMUGORE DA

Subiza
Nayije 01/06/2019 5:04 am at 5:04 am

Uri injiji kuba utanaha agaciro ayo mashuri wize ukirirwa utoragura amagambo atagira gihamya mubaturanyi,ejo baraje bagukoreshe umuroge. Niba azana abo arongora ni uburenganzira bwe Kandi arabishyura.Reka kwibeshyera ngo uhorana ubwoba ko yakurongoraho ahubwo nicyo wifuza nuko atarabigukorera ngo urebe ko wongera kujajwa. Mbese ko aguhemba ukaba unamwiba ubundi ikiguhangayikishije ni iki? Nuko uturuka mu Ruhango ariko uzamenye ko hari ibice bimwe na bimwe byo mugihugu banabarongorera ubusa,busaaaaa bakabatera nibirwara.Inama nakugira:1.Niba udafite amahoro yo mu mutima uzasubire iwanyu kuko ayo umaze kumwiba nayo wakoreye yagufasha kwihangira umurimo.
2.Sigaho kwiyandarika no gusebya umukoresha wawe ngo uri kugisha inama muri ubu buryo bitazakugiraho ingaruka mbi.
3.Fata umwanya usenge Imana ikuyobore mugufata UMWANZURO w’ubuzima bwawe.
Reka nkubaze:Ni ubwambere ubonye abarongorana mubuzima bwawe?
Umutima nama wawe ukubwira iki?

Subiza

Tanga Igitekerezo

Bwiza.com
error: Alert: Ntabwo byemewe!!