bwiza.com
Ahabanza » Umuyobozi w’inyeshyamba ushinjwa kwicira umugore ku Karubanda amuciye umutwe ari mu bishyikirije Leta
Amakuru Politiki

Umuyobozi w’inyeshyamba ushinjwa kwicira umugore ku Karubanda amuciye umutwe ari mu bishyikirije Leta

Abayobozi batatu b’umutwe w’inyeshyamba ukorera mu Burasirazuba bwa Repubulika Iharanira Demokarasi ya Congo, bishyikirije ubutegetsi bw’iki gihugu barimo n’ushinjwa kwicira umugore ku Karubanda urw’agashinyaguro.

Nk’uko bitangazwa na AFP, ngo umwe muri aba bayobozi batatu ni uwitwa  Mubiayi Dewayi, akaba ashinjwa kuba yariciye ku Karubanda umugore w’uwahoze ari umuyobozi wa teritwari (territoire) ya Luebo mu ntara ya Kasaï, akamwica amuciye umutwe.

Umuyobozi wa teritwari ya Luebo, Joseph Mutshipayi, yavuze ko Dewayi yavuye mu ishyamba ari kumwe n’inyeshyamba 60. Yagize ati “Yaduhaye imbunda enye za AK 47 n’amasasu”. Yavuze ko aba bishyikirije ubutegetsi bavuze ko bifuza kuba bashyirwa mu gisirikare cya Congo.

Mu mpera y’icyumweru gishize, izindi nyeshyamba 600 zo mu ntara ya Kasaï zashyize intwaro hasi, zivuga ko zihagaritse kurwanya Leta. Zavuze ko zishyikirije ubutegetsi nk’ikimenyetso cyuko zishyigikiye Perezida mushya wa Congo, Félix Tshisekedi.

 

 

Izindi wakunda

Bwiza.com