bwiza.com
Imikino

Impamvu zatumye umutoza wa Chelsea yanga gutahana n’abakinnyi nyuma yo gutsindwa uruhenu

Umutoza wa Chelsea, Maurizio Sari yanze gutaha mu modoka imwe n’abakinnyi be nyuma yo gutsindwa bandagajwe n’Ikipe ya Bournemouth ibitego bine ku busa.

Nyuma yo kuganira n’abakinnyi be nko mu minota 40, Sarri yahisemo gusubira Stamford Bridge wenyine.

Ababikurikiranira hafi bavuga ko ibi byaba byaratewe no kuba yarashakaga gutekereza neza,yirinda urusaku rw’abakinnyi bamaze gutsindwa.

Ibi ni nanone byareberwa mu yindi ndorerwamo nk’umwuka mubi waba uri muri iyi kipe.

Ibitangazamakuru byinshi byagiye bitangaza ko uburyo bwo gukinisha abakinnyi bwa Sarri bushobora kugorana. Uyu mugabo yanze kuva ku izima akomeza gukoresha uburyo bwa 4-2-2

Iyi ni nayo mpamvu akomeje kwitabaza abakinnyi yatoje muri Napoli mu rwego rwo kumufasha.

Nyuma yo gutsindwa na Bournemouth, Ikipe ya Chelsea iri ku mwanya wa Gatanu aho ifite amanota 47, inganya na Arsenal iri ku mwanya wa Kane.

Umutoza wa Chelsea, Maurizio Sari

Izindi wakunda

Bwiza.com
error: Alert: Ntabwo byemewe!!