bwiza.com
Ahabanza » Pallaso na Spice Diana bagaragaje ko ibyo kuba baryamana bavugwaho byaba ari ukuri
Amakuru Urukundo

Pallaso na Spice Diana bagaragaje ko ibyo kuba baryamana bavugwaho byaba ari ukuri

Nyuma y’igihe kirekire havugwa umubano udasanzwe hagati ya Pius Mayanja uzwi ku izina rya Pallaso na Spice Diana, babigaragarije mu ruhame ubwo bombi bahuriraga ku rubyiniro.

Ikinyamakuru Mbu cyo muri Uganda gitangaza ko Diana na Pallaso batangiye kuvugwaho kugirana urukundo mu mwaka wa 2015, nyuma yo guhurira mu ndirimbo ‘Koona’ gusa ku ruhande rwabo bagiye babihakana, bavuga ko umubano wabo ushingiye ku muziki gusa.

Muri Nyakanga 2018, nibwo hasakaye amakuru mu binyamakuru bitandukanye byo muri Uganda ko Diana yaryamanye na Pallaso, uyu mukobwa abihakana agira ati “Ntabwo nigeze ndyamana na Weasel ariko na none ni umuntu w’inshuti yanjye mu birebana na businesi”.

Uyu mukobwa yakomeje avuga ko umubano afitanye na Weasel ahanini ushingiye ku muziki, aba bahanzi bombi bakaba baherutse gukorana indirimbo ‘Thirty two’.

Mu kwezi kwa munani nabwo yongeye kubihakana, agira ati “Ameze nka musaza wanjye kandi ndamwifashisha, ndamuzi neza ko azi gutegura imishinga”.

Iki kinyamakuru Mbu gitangaza ko ubwo Pallaso yitabiraga igitaramo cya Diana ahazwi nka Freedom City , ngo aba bombi bitiranije urubyiniro n’uburiri, bakora ibiteye isoni imbere y’abafana nk’uko ifoto ibigaragaza.

Izindi wakunda

Bwiza.com
error: Alert: Ntabwo byemewe!!