bwiza.com
Ahabanza » Papa Parfait yahuye n’uruvagusenya ubwo yafatwaga asambana n’umugore w’abandi
Urukundo Utuntu n'utundi

Papa Parfait yahuye n’uruvagusenya ubwo yafatwaga asambana n’umugore w’abandi

Umugabo wakorerwaga iyicarubozo, yafashwe amashusho akwirwakwizwa ku mbuga nkoranyambaga. Yitwa Irankunda Modeste, iyicarubozo akaba yararikorewe mu Majyepfo y’u Burundi.

Modeste ubwo yakorerwaga iyicarubozo, abari bamufashe bamukuyemo imyenda yose, ubugabo bwe babuhambiriza akagozi k’umweru, amaboko ye bayahambirira inyuma, bamuha telefoni akavugana n’umugore we amusaba kumwoherereza amafaranga, kugira ngo arekurwe, yabura akicwa.

Modeste yumvikana abwira umugore we ko yafashwe asambana n’umugore w’abandi, mu magambo ye ateye agahinda agaragaza ko nta kizere cyo kubaho agifite, yabwiraga umugore we kuzakomeza kwita ku bana be batatu bafitanye.

Irankunda Modeste uri mu kigero cy’imyaka 30 nk’uko ikinyamakuru Iwacu kibitanga, afite umugore n’abana batatu, batuye ku musozi wa Mutambara (Rumonge), uyu mugabo akura amafaranga mu bubumbyi bw’amatafari nk’uko n’abandi batuye muri aka gace ariho bakunze gukura amafaranga, by’umwihariko akaba n’umukozi mu ruganda rukora amavuta ava mu mikindo.

Ibyo yakorewe benshi bagiye babigaya ko bidakwiye, kabone nubwo yari kuba yakoze ikosa, ko yari kugezwa imbere y’ubutabera akabihanirwa.

Iyi video imara iminota 12, ntabwo yagaragajwe kubera kubahiriza amahame y’umwuga, kuko ubugabo bw’uyu mugabo bwose buragaragara.

Uko ikiganiro cyagenze kuri telefoni: Ni ikiganiro Irankunda yagiranye n’umugore we kuri telefoni ariko hanumvikanamo ijwi ry’umugabo wamukoreraga iyicarubozo twise “Ruhumya”.

Irankunda: Mama Parfait uri mu rugo?

Mama Parfait: Yego!

Ruhumya: Zamura umutwe se![Abwira Iradukunda]

Irankunda: Mu magambo make urabizi ko nari nakubwiye ko ngiye i Bujumbura, nako i Kizuka, byaje kurangira, muri make ntabwo nakomereje i Kizuka, nakomereje i Bujumbura ariko nahuye n’ikibazo, muri make byakabaye ngombwa ko nkikubwira, gusa uzite ku bana banjye.

Mama Parfiat: Ntabwo nkumva neza!

Irankunda: Nafashwe, Yego!

Ruhumya: Mubwire se!

Mama Parfait: Eh!

Ruhumya: [Abanza kumukubita ikintu mu mutwe], mubwire ko wafashwe urimo kumuca inyuma

Mama Parfait: Ngo wafashwe urimo gukora iki?

Irankunda: Nafashwe ndi mu gikorwa cyo kuguca inyuma,…. Ndimo kuguca inyuma

Mama parfait: Eh!

Irankunda: Yego, nafashwe ndyamanye n’umugore w’abandi

Ruhumya: Amukubita ikintu ku itako

Irankunda: Yego! Ubuzima bwanjye buri mu kaga

Mama Parfair [Arongera aramubaza], wafashwe ngo ukora iki?

Irankunda: Nafashwe ndyamanye n’umugore w’abandi, urumva? Nari ndyamanye n’umugore w’abandi, ese ntabwo urimo kumva uko byagenze?

Mam Parfiat: Oya!

Ruhumya: [Yongeye kumukubita ikintu ku itako arataka cyane], aramubwira ati “Funga umunwa!

Mama Parfiat: Ese urihe?

Ruhumya niwe wamusubije: Kata,…Ni i Bujumbura, arasabwa amafaranga

Irankunda: I Bujumbura

Mama Parfiat: Hehe nyirizina?

Irankunda: Yewe ni i Bujumbura

Ruhumya: Ese ubundi wowe urashaka iki? Ubundi se ubwo uri umugore we?

Mama Parfait: Yego

Ruhumya abwira Mama Parfait: Umva wa mugore we, umugabo wawe yatandukanije imiryango kubera ubushurashuzi bwe, kuva i Rumonge akaza i Bujumbura guheheta, bishoboke ko afite amafaranga menshi akura mu mavuta y’imikindo, nkubwize ukuri rwose, mukanya turakoherereza umutwe we, niwo urakubera ikimenyetso.

Mama Parfait: Muvuze ko ari he?

Ruhumya: I Bujumbura, yego ari i Bujumbura,… Bujumbura, [n’ijwi rikabukira], ariko hagati aho amabya ye n’igitsina birahambiye.

Mama Parfiait: Ese nshobora kuza nkamureba?

Ruhumya: Ngo uza kumureba? Uramwohererezwa, saa mbiri z’ijoro turamukoherereza cyangwa nyuma yaho [arongera akubira Irankunda ikintu mu mutwe].

Ruhumya akabukira irankunda: Mubwire akoherereze amafaranga,  mubwire ayakoherereze nta kindi!

Mama Parfait: Ni iki kibaye, ibyo ni ibiki?

Irankunda [wababaraga]: Nyumva neza, ibyambayeho nabikubwiye, nyine byabaye, ndasabwa miliyoni 10 [y’amarundi].

Ruhumya: Ngiye kukoherereza umutwe we

Irankunda: Aha ndi, ndi mu byago byo kwicwa

Irankunda[yakomeje kubwira umugore we]: Wite ku bana banjye!

Ruhumya: Nakubwiye ngo mubwire akoherereze amafaranga

Irankunda: Mama Parfait, nyumva rwose, nashyize ubuzima bwanjye mu kaga, barimo kunsaba amafaranga, hari umuntu ugiye kwa Mama kureba uko yatunganya iyi gahunda, ndakubwiza ukuri ko saa saba (13h) telefoni yanjye iraba ivuyeho kandi n’ubuzima bwanjye buraba burangiye.

Mama Parfait: Ntabwo byumvikana pe!

Irankunda: Nabikubwiye, munsengere, ninapfa, nagusaba kumbabarira

Ruhumya: Mubwire mu ijwi rituje ko wahambiriwe amaguru n’igitsina

Irankunda: Muri aka kanya tuvugana, ndakubwiza ukuri umugozi urimo kunyangiza, meze nabi!

Mama Parfait: Uwo mugore mwari kumwe ni nde?

Irankunda: Nyumva, nta kintu na kimwe nakumvisha, wowe wumve ko nyine ibyo byabayeho

Mama Parfait: Hagati aho, ntabwo ndimo gusobanukirwa neza

Ruhumya: Nakubwiye ngo mubwire akoherereze amafaranga

Irankunda: Nyumva neza, wite ku bana banjye, Mama Parfait ni njye urimo kukubwira, ita ku bana banjye, ndakubwiza ukuri ko ndi mu nzira yo gupfa!

 

Izindi wakunda

Bwiza.com
error: Ntibyemewe