bwiza.com
Amakuru Imikino

C.Ronaldo arasaba Juventus kugura James Rodriguez na Felix Joao w’imyaka 19

Rutahizamu w’ikipe ya Juventus, Cristiano Ronaldo arasaba ubuyobozi bw’ikipe ya Juventus yo mu Butaliyani, kugura abakinnyi babiri yifuza yo bamufasha guteza imbere iyi kipe.

Ibinyamakuru bitandukanye byo mu Butaliyani nk’uko ikitwa Calciomercato kibitangaza, ngo byatangaje ko Cristiano yifuza ko Juventus igura James Rodriguez wa Bayern Munich na Felix Joao wa Benfica.

Ibi binyamakuru bitangaza ko Christiano ariwe wisabiye James Rodriguez kuba yamusanga muri Juventus muri sezo itaha, ko mu gihe n’ubundi Bayern yaba itifuje kumurekura n’ikipe ya Real Madrid yahozemo, ngo yazifuza kumugura mu bakinnyi izaba ikeneye.

Iki kinyamakuru gitangaza kandi ko Ronaldo arajwe ishinga n’umukinnyi wa Benfica, Felix Joao w’imyaka 19, by’umwihariko, uyu musore ngo akaba yarigeze kwitangariza ko buri gihe ahora yifuza kuba yazakinana na Cristiano Ronaldo mu ikipe imwe.

Cristiano Ronaldo w’imyaka 34 y’amavuko, yinjiye muri Juventus kuri miliyoni 112€ muri Nyakanga umwaka ushize, amaze kuyitsindira ibitego 19 mu mikino 30 amaze kuyikinira.

James Rodriguez W’imyaka 27 y’amavuko

 

Izindi wakunda

Bwiza.com
error: Alert: Ntabwo byemewe!!