bwiza.com
Ahabanza » Umusore twashwanye nanze ko dusambana avuga ko agiye kundogesha akoresheje amafoto yanjye- Nkore iki?
Amakuru Urukundo

Umusore twashwanye nanze ko dusambana avuga ko agiye kundogesha akoresheje amafoto yanjye- Nkore iki?

Umusore witwa Felix [ryahinduwe] wo mu karere ka Kirehe ariko ukorera akazi k’ubushoferi mu mujyi wa Kigali, akomeje kumbuza amahoro nyuma y’aho dushwaniye dupfuye ibyo tutahurizagaho.

Njyewe nitwa Redempter ntuye Kicukiro nkaba ndi umucungamutungo muri kampani icukura amabuye y’agaciro. Umusore twakundanye kuva mu mwaka wa 2014 ubwo yari umushoferi iwacu ku kazi.

Nyuma yaje kuhava ajya mu kandi kazi, ariko turakunda cyane pe, urukundo ruragurumana bigera n’aho dutangira gupanga kubana muri uyu mwaka wa 2019.

Umwaka ushize nko mu kwezi kwa karindwi nibwo nabonaga amaze iminsi atanyishimiye, mbese nkakeka ko yaba afite urundi rukundo yaba yarafonze ahandi ntabizi, yansabye kumusura ndabikora, yifuza ko turyamana mpita mutera utwatsi.

Mu myaka yose twabanye, nakunze kumubwira ko niba ankunda by’ukuri azirinda kumbwira iryo jambo, kuko twakundaga kubiganiraho, nari naramwemereye ko byibura binabayeho twazabikora umunsi tuzaba twarasezeranye mu murenge, aho rwose byo nari narabimwemereye kuko si nakwigira umumarayika, kuko ndabizi ko hari igihe ibintu bishoboka.

Mbese uwo munsi namuteye utwatsi ahita yivumbura ngo ntabwo azongera kumvugisha, aragenda araceceka, nanamuhamagara akanga kunyitaba ahubwo akanyoherereza SMS ambwira ngo mu gihe nzaba ntaramuha ibyo yansabye ngo ndeke kumutesha umutwe.

Rwose pe naramuretse ndituriza, mu minsi ishize nibwo nabonye ampamagara ambwira ngo ntabwo nari nisubiraho, musubiza ko bidashoboka ndetse ko nabonye undi mukunzi, mbese mwiryaho, kandi koko hari undi musore ubu turimo kubyumva kimwe, kuko amezi atanu yari ashinze ni menshi.

Maze kumubwira gutyo, navuga ko umutwe wamuriye, atangiye kunkanga ngo azampemukira, ndamubwira nti ‘uzabikore uko ubyumva’ none ubu yarambwiye ngo amafoto yanjye afite ni menshi, ngo azandogesha kandi nzicuza nyuma.

Mungire inama, ubu nkore iki? Gusa namubwiye ko ari iterabwoba, mbese ubu arankomera agatoki ku kandi.

Izindi wakunda

4 Ibitekerezo

Umubyeyi 07/02/2019 11:18 am at 11:18 am

Uzamufate amaja mu gihe azaba ariko kugutera ubwoba hanyuma ujye kuri police kumurega usobanure byosee uko bimeze nahamagazwa na Police ibimubaza azatinya!! Ikindi unasenge Imana ikurinde!! Naho kwanga kuryamana nawe waguze neza uri intwari

Subiza
GSE 07/02/2019 10:17 pm at 10:17 pm

Iro ni iterabwoba rya Satani n’abadayimoni be. Komera ku cyemezo wafashe ni cyo kizima urinde ubugingo bwawe.Wiyegereze Imana usenge cyane ikurinde kuko izina rya Yesu ryonyine rifite imbaraga zikomeye Satani n’ingabo ze batinya. Ukomere kandi ushikam ntutinye. Ashobora Kubigerageze yasanga udafatika kuko urinzwe n”Uwiteka akaba yabigwamo ari we. Abadayimoni iyo bananiwe icyo wabatumye ni wowe bagarukana. Humura rero ntuteshuke.

Subiza
kamana 09/02/2019 1:05 am at 1:05 am

Ariko abakobwa b’ubu muratangaje pe.
Ukaba ufite telefoni mu ntoki, hanyuma ukaba wicaye udakusaanya ibimenyetso byamufatisha. Za sms yandika agutera ubwoba,
We ho urakina n’urupfu gusa. Umusore w’ubu iyo atangiye kugutera ubwoba, ashirwa akoze ibyo yagukangishaga. Mukobwa ntugirengo uwo musore ariho kucjjanga ngo wemere kuryamana nawe. Ashobora kuzakwikukana utiteganirije mu maguru mashya ukagana ubutegetsi kwishinganisha. Police ihora ibaburira kutiha amakuru nk’ayo amaraso atarameneka. Aho kubikora mukaza mwitangazamakuru. Itangazamakuru se ryamubuza ku kwica Aho azabishakira?
Nutajya kuri police ujyanye ibimenyetso by’uko ahigira kukwicisha cg kukwica, ngo police ifatirane inzira zikigendrwa, azaguhitana. Uko ndora wowe uririwe nturaye. Ba bandi basuka acide ku bo bakundanaga kuko bababwiye ko ibyo bifuza bidashoboka, se s’uko batangira babatera ubwoba, nyamara bigashira babononnye, babasutse ho acide?

Subiza
humura 10/02/2019 1:16 pm at 1:16 pm

Ark c Muko ubundi wowe uragisha Inama yiki ko numva ufite Ibimenyetso byinshi even wanamufata amajwi maze ukabijyana kuri police ukareba ko adafatwa akabazwa ibyo byose yifuza kugukorera nnese nuguma gutuza urumva atari hahandi ngo umuntu Inama nakugira jyana izo info kuri police

Subiza

Tanga Igitekerezo

Bwiza.com
error: Ntibyemewe