bwiza.com
Ahabanza » Georgina yavuze impamvu yiteguye kuba umugore wemewe wa Cristiano Ronaldo
Amakuru Imikino

Georgina yavuze impamvu yiteguye kuba umugore wemewe wa Cristiano Ronaldo

Georgina Rodriguez uzwi nk’umukunzi wa Cristiano Ronaldo, yatangaje byinshi birebana n’ubufatanye bafitanye mu rukundo ndetse ko bizaba bishamaje umunsi azaba yabaye umugore we wemewe n’amategeko.

Uyu mugore ukomoka muri Argentine yagize ibyo avuga ku rukundo rwabo nyuma y’ibimaze iminsi bitangazwa ko we na Cristiano baba bari mu nzira yo kurushinga.

Aganira na Hola! Magazine, Georgina yagize ati “Ubu dufite umurongo ngenderwaho, ariko ejo hazaza bizaba bishamaje nimba umugore we wemewe n’amategeko”.

Akomeza avuga iby’ubufatanye bwabo mu rukundo, ati “Ngira ibyo mufasha buri munsi, mu gihe cy’agahinda nkamuba hafi, turafashanya muri buri kimwe cyose, ni ikintu cyiza navuga ko kiri hagati yacu, mbese twakoze ikipe ishamaje”.

Mu mwaka wa 2016, nibwo Ronaldo w’imyaka 34 y’amavuko na Georgina batangiye gukundana, bafitanye umwana umwe witwa Alana.

Hashize igihe humvikana ibirego Ronaldo ashinjwa byo gusambanya ku ngufu abagore ndetse no kunyereza imisoro muri Espagne ubwo yahakinaga mu ikipe ya Real Madrid, mbere yo kwerekeza muri Juventus yo mu Butaliyani ubu abarizwamo. Aho kumutakariza icyizere, uyu mukobwa yagiye agaragaza ukumukomeza nk’umukunzi we.

Ronaldo ni umunyapolitigali w’imyaka 34 y’amavuko, akaba se w’abana bane barimo n’uyu yabyaranye na Georgina.

 

Izindi wakunda

Bwiza.com
error: Alert: Ntabwo byemewe!!