bwiza.com
Ahabanza » Natenzwe mu itorero naboneje urubyaro none natahuye ko umugore wa Pasiteri aruboneza- NKORE IKI?
Utuntu n'utundi

Natenzwe mu itorero naboneje urubyaro none natahuye ko umugore wa Pasiteri aruboneza- NKORE IKI?

Muraho neza bavandimwe, ndi umubyeyi w’abana batatu, umukuru afite imyaka umunani, umukurikira afite imyaka itatu mu gihe murumuna wabo afite umwe n’igice.

Nsengera mu itorero ntaribuvuge izina, maze kubyara uyu mwana wa kabiri nibwo nisanze nasamye inda y’uwa Gatatu undi ataramenya no kurya, mbese nataye umutwe n’umugabo turabishwanira, mbonye maze kumubyara mboneza urubyaro ntyo.

Ubwo twari mu masengesho nibwo abavugabutumwa bampanuye ko mboneza urubyaro, sinahakanye, narabyemeye imbere yabo, bamfatira ibihano, muri itorero ‘Ni Ugutengwa’.

Mbese narabyakiriye ariko mbatangariza ko ntashobora kureka kuruboneza, kuko kubyara abona ntazabasha kurera mbona nabyo ari ikindi cyaha cyaba gikomeye. Ikirenze kuri ibyo byanansenyera kuko umugabo ntiyifuza kubyara benshi.

Nakomeje gukurikirana neza, kuko najyaga numva binugwanugwa n’abandi bagore dusengana ko na madamu w’umushumba aboneza urubyaro, kuko afite abana babiri kandi barutanwa mu myaka cyane, umwe afite 13 undi akagira itandatu.

Nakomeje gushakisha amakuru, nza guhabwa amakuru byimbitse n’umuganga, ambwira ko anakoresha agapira. Nkabona ko narenganijwe mu gihe abaruringaniza ari benshi mu itorero ryacu harimo n’uwo mudamu w’umushumba.

None mungire inama, nkore iki? Na njye nzamwandagaze imbere y’itorero nk’ibyo bankoreye? Kuko amakuru ndayafite yose ku buryo nubwo wakora ku kaboko ke agapita wakumva, ese mve muri iri torero? Mungire inama kuko mu matorero menshi abirirwa badushuka kubyara tukororoka nk’umusenyi wo ku nyanja naje gusanga abenshi aribo baba baraboneje urubyaro mbere.

Izindi wakunda

9 Ibitekerezo

Uwizeyimana Louise February 10, 2019 at 10:21 am

Mbegaweee esekonuva urwanda rudushishikariza kubyara bake namatorero agashishikariza abanyetorero kubyara ubukoko murambwirako turikujya mukihe cyerekezo koko umva nkunko yakwandagaje nawe umwandagaze ntibakikunde bumveko abandi babyara nkinyamaswa nawe uzabivuga niba ufite ibimenyetso nyabyo murakoze

Subiza
Kiki February 10, 2019 at 11:34 am

Mwese ko muri abicanyi se.warivamo warihamo wamukoza isoni ntacyo byamara icyaba kiza nuko wareka kwiciraho iteka uvuga NGO urasenga,ahubwo va muri ONAPO,wongere ibihe byo gusenga kuko about about bana mwicira munda Imana izabibabaza,erega ujye wibuka ijambo ryayo ritubwira ko itumenya tutaraba insoro munda za ba mama.Imana igufashe kandi ikwigishe gukora ibikwiriye.

Subiza
Mutsari February 10, 2019 at 8:55 pm

Kiki ibyuvuze nta logique kandi uranatukanye usabe Imana imbabazi zo kwita abantu abicanyi kuko Imana iduaba kugira ubwenge

Subiza
Titi February 10, 2019 at 9:29 pm

Yemwe ndabona amadini yarabuze imirimo rwose! Basigaye bihangira imirimo batanatumwe! Ibi rero ngo ni agakiza (hahahaha)! Gusa bifatiye imbaga kuko bigisha Yesu nabo ubwabo batigeze bamenya. Mbese ni impumyi zirandata izindi, iherezo bose Imana irabatengera hamwe. N’Abafarisayo bajyaga batenga batazi ko Kyamaze kubatenga keeeera! Uti wakora iki? Va hagati y’abo ba Farisayo usange Yesi ubone agakiza nyako. Ubwenge azabuguha…

Subiza
Philos February 11, 2019 at 6:27 am

Muraho!
Maze gusoma inkuru y’uyu mubyeyi ugisha inama.
Hari ibyaha bizwi tunabona muri Bibiliya (ibyaha by’umutima),
Hakaba n’ibindi byaha twihimbira, ariko ntaho wabona Bibiliya ibyita ibyaha.
KUBONEZA URUBYARO ni gahunda y’umuryango (hagati y’unugabo n’umugore), babikora uko bumvikanye, bijyanye n’uko bemera. Byaba icyaha habayeho gukuramo inda.
Uvuga ko kuboneza urubyaro ari ukwicira abana mu nda sibdi kumwe nawe, ntazi aho isi igeze cg ahari buriya niyo myumvire afite.
Uwagishije inama aze kumpamagara cg anyandikire kuri Whatsapp 0788827582

Subiza
Philos February 11, 2019 at 6:28 am

Muraho!
Maze gusoma inkuru y’uyu mubyeyi ugisha inama.
Hari ibyaha bizwi tunabona muri Bibiliya (ibyaha by’umutima),
Hakaba n’ibindi byaha twihimbira, ariko ntaho wabona Bibiliya ibyita ibyaha.
KUBONEZA URUBYARO ni gahunda y’umuryango (hagati y’umugabo n’umugore), babikora uko bumvikanye, bijyanye n’uko bemera. Byaba icyaha habayeho gukuramo inda.
Uvuga ko kuboneza urubyaro ari ukwicira abana mu nda sibdi kumwe nawe, ntazi aho isi igeze cg ahari buriya niyo myumvire afite.
Uwagishije inama aze kumpamagara cg anyandikire kuri Whatsapp 0788827582

Subiza
charles February 11, 2019 at 8:47 am

Nawe uciye urubanza nkaho urimana, uti ( Mwese ko muri abicanyi se ). njye ndemera koyamuhemukiye cyane rwose kugushyira kukarubanda sibyo. umva nkugirinama muvandimwe kubabarira nibyiza ubikore, ikindi ufite ibimetse wagana inkiko.

Subiza
Dany February 11, 2019 at 9:30 am

None se Kiki, bakubwiye ko hari inda yasamye akayikuramo ku bushake? Bavuga ko wishe umwana ari uko ukuyemo inda ubishaka, naho iyo wirinze kuyitwara nta cyaha kirimo. Iyo ubyaye umwana uziko ushobora kutazamubonera ibyo azakenera byose nibwo uba ukoze icyaha, kuko uba utumye azabaho atishimiye ubuzima kandi umubyara atari yabigusabye. Abo bakozi b’Imana bajye bibuka ko Bible imaze imyaka myinshi cyane yanditswe, icyo gihe ku isi ahantu bari bacye cyane bagomba kwiyongera kugira ngo bakwire hose bahatunganye, uyu munsi rero siko bikimeze. Kugendera mu kigare, ntidutekereze ku mibereho y’igihe kizaza nibyo bidukenesha abanya Africa. Abo bavuga ngo kuboneza ni icyaha baradushuka, ariko minerval y’abana nibura bazaba bigaramiye. Mwibuke ko “Imana ifasha uwifashije”

Subiza
Mama Nicole February 11, 2019 at 3:35 pm

INAMA NGUHA NI 3:

1. Si ngombwa ko umwandagaza, nta nyungu wavanamo, ahubwo hashobora kuvamo ibibazo kuri wowe no kuri uwo muganga, hamwe n’andi mubana muri iyo gereza. Banza kwanza uve muri icyo kigare wita itorero, ni ikintu ubundi kigibwamwo n’ibigoryi cg abandi badatekereza neza hamwe n’injiji. Uzicare uzengurutse amaso mu bagore cg abagabo mukibanamo uzasanga nta muntu ujijutse, nta docteur, nta muntu ufite frw ukibamo…uzasanga abenshi ari abari middle class, ariko nta muntu ujijutse ukijyamo. Kubera iki ?

2. Icya kabiri, va muri ibyo bintu b’udupira, ibinini, inshinge cg se za sterilet. Kuko urimo kwangiza ubuzima bwawe.

3. Koresha uburyo bwa continence (kwirinda), ibi birashoboka, birasaba kwiga neza cycle yawe, mukayumva neza kandi kimwe wowe n’umugabo wawe; mukemeranywa ko igihe uzaba uri mu bihe by’uburumbuke mutazajya muhuza urugwiro. Umugore agira iminsi 18 atagombye guhura n’umugabo na gato, harimo n’iminsi 3~5 aba ari mu mihango, n’iminsi iminsi 13~15 ashobora gusama . Muri make mu kwezi umugore agira iminsi 12 gusa yo kuba yabonana n’umugabo, ku bantu bakuze kandi bajijutse iyi minsi ntabwo ari micye keretse abarenzwe n’irari. Ubu buryo bwa continence, nibwo njye nkresha n’umugabo wanjye kando nta kibazo dufite, umwana wacu wa mbere afite 5 ans undi afite 1 an.

Subiza

Tanga Igitekerezo

Bwiza.com