bwiza.com
Ahabanza » Buruseli: Ku cyicaro cya E.U haravugwa intasi z’Abashinwa n’Abarusiya zikabakaba 500
Amakuru Politiki

Buruseli: Ku cyicaro cya E.U haravugwa intasi z’Abashinwa n’Abarusiya zikabakaba 500

Abadipolomate b’Abanyaburayi baburiwe nyuma y’aho ikinyamakuru Die Welt cyo mu Budage gitangarije ko I Buruseli ku cyicaro cy’Umuryango w’Ubumwe bw’u Burayi, ahakorera komisiyo y’uyu muryango, ngo haba hari intasi amagana z’ibihugu by’u Bushinwa n’u Burusiya.

Biravugwa ko izi ntasi zishobora kuba ari 250 z’Abashinwa ndetse na 200 z’Abarusiya nk’uko binashimangirwa n’urwego rw’umutekano w’imbere mu bubanyi n’amahanga bw’Umuryango w’Ubumwe bw’u Burayi.

Uru rwego rukaba rwaburiye abadipolomate b’Abanyaburayi rubasaba kwirinda ahantu hamwe mu nkengero za Komisiyo y’uyu muryango no ku nyubako zikoreramo serivise z’ububanyi n’amahanga nk’ahafatirwa amafunguro n’ikawa bivugwa ko hashobbora kuba hari izo ntasi

Abadipolomate ngo bakaba bagomba kwirinda aha hantu harimo iyi restaurant imenyereweho kugabura inyama zizwi nka steaks.

Iyi nkuru dukesha RFI irakomeza ivuga ko inzego z’ubutasi z’Abashinwa n’Abarusiya zashyize intasi zazo muri za ambasade no mu bigo bihagarariwe I Buruseli. Iki kinyamakuru cyo mu Budage Die Welt kikaba kivuga ko bikorwa mu ibanga rikomeye, kandi ko abantu baba baherekeje abadipolomate b’ibihugu bitari ibinyamuryango bya E.U bakunze kuba ari intasi.

Iyi nkuru isoza ivuga ko usibye u Bushinwa n’u Burusiya, ngo intasi z’Abanyamerika n’Abanya-Maroc nazo zaba zikunze gukorera cyane muri uyu mujyi wa Buruseli.

 

Izindi wakunda

Bwiza.com