bwiza.com
Ahabanza » Slovenia: Umudepite yeguye nyuma yo kwiba umugati
Amakuru Utuntu n'utundi

Slovenia: Umudepite yeguye nyuma yo kwiba umugati

Kuri uyu wa 15 ni bwo humvikanye inkuru y’umudepite wo muri Slovenia, weguye nyuma yo kwiba umugati wo mu bwoko bwa “Sandwich” muri imwe mu nzu y’ubucuruzi iherereye mu gace ka Ljubljana, muri Slovenia.

BBC iravuga ko Depite Darij Krajdic yabwiye itangazamakuru ryo muri iki gihugu ko abakozi biganiriraga aho kumwakira, arambirwa gutegereza , ahitamo kwisohokera atishyuye.

Mu magambo uyu mudepite yakoresheje yagize ati: “Abakozi batatu bariganiriraga aho kunyakira. Nari ndambiwe gufatwa nk’umuyaga” bishatse kuvuga ko yari arambiwe gufatwa nk’udahari cyangwa kutitabwaho.

N’ubwo Krajcic yeguye, ntibyamubujije gusaba imbabazi rubanda ndetse na bagenzi bari bahuje inshingano. Ikindi kandi yasubiye kwishyura uwo mugati yari yibye.

Inkuru yo kwiba umugati yamenyekanye ku wa gatatu ubwo Krajcic yabwiraga bagenzi b’abadepite ibyo yakoze. Ni mu nama yari yahuje nyobozi y’abagize inteko ishinga amategeko, umutwe w’abadepite.Akaba yari yatowe mu 2018.

Darij Krajcic

Tuyizere Jean de Dieu

Izindi wakunda

Bwiza.com
error: Ntibyemewe