bwiza.com
Amakuru Politiki

Zimbabwe ngo ishobora kwisanga mu kaga nk’akagwiririye u Rwanda mu 1994

Chairman Wungirije w’ishyaka MDC ritavuga rumwe n’ubutegetsi, Tendai Biti, yatanze umuburo avuga ko muri Zimbabwe ishobora kwisanga mu kaga nk’akagwiririye u Rwanda mu 1994 muri Jenoside yakorewe Abatutsi igatwara ubuzima bw’abasaga miliyoni mu minsi 100.

Ibi yabitangarije kuwa gatatu ushize mu kiganiro mpaka mu nama ya 6 y’abayobozi b’ibigo muri Afurika izwi nka ‘CEO Africa Round Table’ yaberaga ahitwa Victoria Falls.

Bwana Biti ati: “Tugomba gutegura gahunda yo kubaka igihugu. Dufite igihugu ariko ntacyo dufite, kandi urugero rw’uburozi rungana nk’urw’u Rwanda muri Mutarama 1994. Ndavuga Mutarama kubera ko muri Mata habaye jenoside kandi dusa nk’aberekeza muri icyo cyerekezo.”

Yakomeje agira ati: “Ntidushobora kuba igihugu gikubita abaturage bacyo, gifata ku ngufu abagore, kinafunga internet. Ntabwo ntewe ishema no kuba ndi Umunyazimbabwe nyuma y’ibi bintu byatangajwe muri raporo ya Amnesty International.”

Iyi nkuru dukesha urubuga rwo muri Zimbabwe, Pindula.co.zw ikomeza ivuga ibisubizo kuri ibi bibazo Biti yatanze, aho yagize ati: “Ndemera ko hakenewe ibiganiro, ariko bigomba kuba ibya nyabyo kandi bikemerwa n’Umuryango Mpuzamahanga.”Tugomba guhagarika gufatwa bugwate na leta tukanakura abasirikare ku mihanda.”

Uyu akaba asanga nk’umunyamategeko ububasha bwinshi bukwiye guhabwa gusa umukuru w’igihugu nk’uko biteganywa mu ngingo ya 5 y’itegeko nshinga

 

Izindi wakunda

Bwiza.com
error: Alert: Ntabwo byemewe!!