bwiza.com
Amakuru Politiki

Impunzi z’Abarundi zitaba i Kigali zihangayishijwe n’ingendo zikora zishaka ibyemezo by’uko ari ingaragu

Impunzi z’Abarundi zahungiye mu Rwanda ziravuga ko zikomerewe no kubona ibyemezo bikenerwa mu gihe zishatse gushyingiranwa, aho izituruka ahandi hatari muri Kigali baba bagomba gukora ingendo baza mu mujyi gushaka ibyo byemezo bitangwa n’ubuyobozi bwabo.

Umwe mu mpunzi wavuganye n’itangazamakuru avuga ko hari ibyemezo baba bagomba kuvana I Kigali, ariko ngo ntabwo ari buri wese utuye muri Kigali cyangwa mu nkengero zayo. Ati: “Ntushobora kumva ukuntu bivuna kuva I Cyangugu ni nk’urugero, ukajya gushaka impapuro I Kigali.”

Uyu yakomeje avuga ko hari Abarundi benshi baba kure ya Kigali, agasaba ko bakwegerezwa serivisi baba bakeneye muu rwego rwo kuborohereza.

Naho Patrice Ntadohoka, uhagarariye impunzi z’Abarundi ziba mu mijyi itandukanye, avuga ko ari ngombwa kujya I Kigali. Ati: “Tugomba kubahiriza ibisabwa n’amategeko kandi tugomba kwitanga”. Nk’uhagarariye impunzi, yavuze ko abayobozi basaba ko yabaha icyemezo.

Ati: “Ibi ni ingenzi cyane mu rwego rwo kwirinda ko umuntu yashyingirwa kabiri. Aha naho, ngomba kwitonda kandi abatangabuhamya batatu bagomba kunyizeza ko ushaka gushyingirwa wese ari ingaragu.”

Impunzi zituye kure ya Kigali rero zikaba zisaba ubuyobozi bw’u Rwanda gutekereza ku kuntu zakoroherezwa.

 

Izindi wakunda

Bwiza.com