bwiza.com
Ahabanza » Kampala: Umuhanzi Navio yemera abana bane yabyaye ku bagore batandukanye
Amakuru Imyidagaduro

Kampala: Umuhanzi Navio yemera abana bane yabyaye ku bagore batandukanye

Daniel Lubwama Kigozi uzwi ku izina rya Navio ari mu byishimo nyuma y’aho umukunzi we Mathilda Nassimbwa amubyariye umwana wa kabiri, akaba ari uwa Kane mu bana uyu muhanzi afite.

Uyu muhanzi uzwi ku ndirimbo nka ‘Njogereza’ mu gitondo cyo kuri uyu wa Mbere tariki ya 18 Gashyantare 2019, nibwo yatangaje ko bungutse umwana, ashyira ifoto kuri Instagram amuteruye.

Nk’uko ikinyamakuru Chimpreports kibitangaza, Navio yahise ahishura n’izina ry’uyu mwana we, avuga ko yitwa Llywelyn Kigozi, akaba ari umwana wa kabiri Navio abyaranye na Mathilda.

Navio avuga ko uyu mwana we yise Llywelyn ari uwa kane, abandi babiri akaba yarababyaye ku bagore batandukanye. Mu ntangiriro z’umwaka ushize nibwo Mathilda yerekanye Navio mu muryango we.

Mu mwaka wa 2015, ubwo yaganiraga n’ikinyamakuru Dailymonitor, Navio yabajijwe n’umunyamakuru ikibazo kigira kiti “waba ufite abana benshi hanze?

Mu kumusubiza Navio ntiyeruye ngo yemeza umubare wabo, yagize ati “Yego, mfite babiri, Liam Kisitu, five na Alyssa Nakimuli, mfite 3, bose nagiye mbabyarana n’abakobwa twakundanye”.

Navio ateruye uruhinjya bibarutse

Izindi wakunda

Bwiza.com