bwiza.com
Ahabanza » Prince Boateng yibwe iby’agaciro igihe yari ku mukino wahuzaga Barcelona na Real Valladolid
Imikino

Prince Boateng yibwe iby’agaciro igihe yari ku mukino wahuzaga Barcelona na Real Valladolid

Kuri uyu wa gatandatu, ubwo FC Barcelona yakinaga na Real Valladolid, abajura bateye urugo rwa Kevin Prince Boateng bamwiba ibikomo, amasaha n’amafaranga bifite agaciro gasaga amayero 300,000 (£300,000).

Ku mukino Barcelona yatsinzemo iyi kipe igitego 1-0, uyu munya Ghana yari yabanje mu kibuga ariko aza gusimbuzwa rutahizamu Luis Suarez. Iki gitego cyavuye kuri penaliti yatsinzwe na Lionel Messi ariko nyuma yaje guhusha indi.

Ikinyamakuru Marca, gikorera muri Espagne kiravuga ko kutagaragara neza mu mukino kwa Boateng byatewe ni uko yari yamenye ko yamaze kwibwa.

Si ubwa mbere ikibazo nk’iki kibaye ku bakinnyi ba FC Barcelona kuko Jordi Alba na we byamubayeho igihe bari mu rugendo bagiye gukina na Inter Milan mu Butaliyani mu mwaka ushize.

Uyu munsi, uyu mukinnyi arajyana n’ikipe ye mu Bufaransa, aho kuri uyu wa kabiri barakina na Olympique Lyonnais. Uyu ni umukino wa 1/8 cya UEFA Champions League.

Izindi wakunda

Bwiza.com