bwiza.com
Amakuru Politiki

RDC: Inyeshyamba za FOREBU ziyobowe na Gen. Niyombare zatsimbuwe mu birindiro

Igisirikare cya Leta ya Congo (FARDC) gitangaza ko cyatsimbuye mu birindiro inyeshyamba za FOREBU zikomoka mu Burundi, zikaba ziyobowe na Gen Niyombare wari ugiye guhirika ku butegetsi Perezida Nkurunziza.

Izi nyeshyamba zari zifite ibirindiro i Mangwa, gurupoma ya Muhungu muri Kivu y’Amajyepfo, muri Repubulika Iharanira Demokarasi ya Congo, ngo zikaba zaragabweho igitero zirahava, bimwe mu byazo zirabihata.

Nk’uko bitangazwa na SOS Media Burundi, ngo umwe mu basirikare ba Congo yabatangarije ko “Imbunda n’amasasu yabo byafashwe”.

Igisirikare cya Congo, gitakaza kandi ko nta musirikare wacyo wahasize ubuzima, kigashimangira ko ku ruhande rwa FOREBU hari byinshi byangijwe, harimo n’abahaburiye ubuzima ariko imibare ikaba itaramenyekana.

Igisirikare cya Congo, cyemeza ko cyahagurukiye imitwe y’inyeshyamba zikomoka i Burundi, ikomeje kwidegembya muri Kivu y’Amajyepfo, cyane cyane muri Teritwari ya Uvira.

FARDC itangaza ko yavanye mu birindiro inyeshyamba za Red Tabara i Mulenge, Kiryama, Kivuzampengere, Bibangwa na Gitoga. Ku ruhande rwa Red Tabara bahakanye bavuga ko nta gitero bigeze bagabwaho.

Izindi wakunda

1 Igitekerezo

Rebero Jeremy 18/02/2019 12:35 pm at 12:35 pm

Nonese FARDC zigaba ibitero ku nyashyamba z’abarundi zigasiga iz’abanyarwanda? Kuki? Ese ubundi Niyombare aracyari mu Rwanda nkuko Uburundi bubivuga? Niba aribyo rero iziyizira mu Rwanda nibamwirukana muri Kongo!

Subiza

Tanga Igitekerezo

Bwiza.com