bwiza.com
Ahabanza » Guverineri Mufulukye yasabye ko Rwamagana Challenge Marathon yajya itegurwa kenshi mu mwaka
Amakuru Imikino

Guverineri Mufulukye yasabye ko Rwamagana Challenge Marathon yajya itegurwa kenshi mu mwaka

Ku cyumweru tariki ya 17 Gashyantare habaye irushamwa ngarukamwaka rya Rwamagana Challenge Marathon, aho mu ijambo Guverineri w’Intara y’Iburasirazuba Mufulukye Fred yagejeje ku bitabiriye irushanwa yavuze ko iryo siganwa rifite uruhare mu guteza imbere siporo ndetse ko rikwiye kujya riba inshuro irenze imwe mu mwaka .

Guverineri Mufulukye niwe watangije Rwamagana Challenge Marathon nk’ umushyitsi mukuru, mu ijambo rye akaba yarashimiye umuryango utegamiye kuri Leta witwa Msaada wafatanyije n’akarere gutegura irushamwa ryitabiriwe n’abarenga ibihumbi bitanu harimo abasiganwaga barushanwa ndetse n’abakoze siporo rusange .

Guverineri yasabye ko irushanwa ryo gusiganwa ku maguru ryajya ritegurwa inshuro nyinshi aho kuba rimwe mu mwaka ashingiye ku kamaro rifitiye  abaturage batuye Rwamagana ndetse n’abandi batuye mu zindi ntara .

Yagize ati: “Ndashimira Msaada  n’Akarere ka Rwamagana bateguye iri rushanwa kuko rifitiye akamaro abaturage batuye Rwamagana n’abaturage bo mu tundi turere ,siporo ituma abaturage bagira ubuzima bwiza mwabonye ko abantu baryitabiriye ari benshi kandi ubona bishimiye gukora siporo niyo mpamvu nsaba ko iri rushanwa ritaba irushanwa ngarukamwaka ahubwo ko ryajya ritegurwa inshuro zirenze imwe kandi nahoze nganira n’ababishinzwe kugirango bajye baritegura kenshi.

Abakinnyi nabo bishimiye uburyo irushanwa rya Rwamagana Challenge Marathon ritegurwa

Hakizimana John wabaye uwa mbere muri marathon, avuga ko yari asanzwe atamenyereye kwiruka ibirometero 42 ariko kuba yararyitabiriye akaryegukana byamufashije kuzamura urwego rwe.

Yagize ati: “Nari maze igihe nitoza kwiruka marathon naje biranshimishije kuba ari njye waritsinze kuko ntabwo nari menyereye kwiruka ibirometero 42 ariko ubu bimfashije kwitegura n’amarushanwa mpuzamahanga nitegura mu bihe biri mbere .”

Ku nshuro ya 6 abasiganwe muri Rwamagana challenge Marathon bari mu byiciro 3, hagomba guhembwa batatu muri buri cyiciro :

Dore abahembwe muri buri cyiciro :

Mu bagore  bakoze  ibirometero  10:

  1. Nayituriki Dorothee (Rwamagana): yakoresheje iminota 36 n’amasegonda 48.
    2. Uwayisaba Sandrine(Rwamagana)
    3. Muhorakeye Solange (Rwamagana

 Mu bagabo basiganwaga ibirometero  10 :

  1. Uwimana Felix (Rulindo): yakoresheje iminota 31 n’amasegonda 24.
    2. Niyomugabo Ramadhan (Rwamagana)
    3. Iradukunda Iyadema (Rwamagana)

Mu bagabo basiganwaga ibirometero  21 (Half Marathon):

  1. Nimubona Yves (Kicukiro): yakoresheje isaha 1 iminota 4 n’amasegonda13
    2. Hitimana Noël (Kicukiro)
    3. Hakizimana Jean D’amour(Rubavu)

Mu bagore basiganwaga ibirometero 21  (Half Marathon):

  1. Yankurije Martha (Kicukiro)
    2. Niyirora Primitive (Burera)
    3. Musabyeyezu Adeline (Ngoma)

Mu bagore bisiganwaga ibirometero 42 (Full Marathon):

  1. Nyirarangwa Mediatrice (Kicukiro)
    2. Musengimana Pelagie(Gakenke)
    3. Uwimana Jeanette(Kicukiro)

Mu bagabo basiganwa ibirometero 42(Full marathon):

  1. Hakizimana John(Kicukiro)
    2.Ndagijimana Enock(Nyanza)
    3. Habakurama Frederic (Kicukiro)

 

 

Izindi wakunda

Bwiza.com
error: Alert: Ntabwo byemewe!!