bwiza.com
Ahabanza » Rwamagana: Abaturage bijeje abadepite guhindura imyumvire
Amakuru Politiki

Rwamagana: Abaturage bijeje abadepite guhindura imyumvire

Abaturage  batuye mu Murenge wa Kigabiro mu Karere ka Rwamagana bavuga ko bishimiye impinduka mu mikorere y’inteko ishingamategeko, banishimira ko abadepite bahisemo kubegera bakaganira ku bibazo bibabangamiye mu ntego biyemeje hagamijwe imibereho myiza n’iterambere ry’umuturage .

Mu  Murenge wa Kigabiro abadepite bari mu Karere ka Rwamagana mu ruzinduko rw’iminsi ibiri bafatanyije n’abaturage gukora umuganda rusange  bakora isuku hafi y’ikibuga cy’umupira cya Polisi .

Abaturage bagejejweho ibiganiro byibanze kugusaba abaturage kwitabira  gahunda yo kuboneza urubyaro ,kwandikisha abanabavutse no kwandukuza mu bitabo by’irangamimirere abapfuye. .

Depite Mukamana Alphonsine  watanze ikiganiro ,yasabye abaturage kuboneza urubyaro hagamijwe kugira umuryango utekanye . Yagaragaje ko Leta ihangayikishijwe no kuba hari abatitabira kuboneza urubyaro bakabyara abo badashoboye kurera bigatuma batanababonera ibyibanze umwana akenera kugirango akure neza kandi afite ubuzima bwiza yabasabye ko bajya babyara abana bifuza mu gihe bifuza kugirango babigereho yibukije ko ari ngombwa gukoresha uburyo bwo kuboneza urubyaro yaba ubukoreshwa mu gihe gito cyangwa igihe kirekire ndetse asaba n’abagabo kugira uruhare mu kuboneza urubyaro .

Uwingabire Clemence umuturage wakurikiranye ibiganiro  bagejejweho yavuze ko ubutumwa bagejejweho n’abadepite bwabafashije guhindura imyumvire ndetse ko basobanukiwe neza akamaro ko kuboneza urubyaro ndetse ko abaturage batarumva impamvu zo kuboneza urubyaro nabo bafite inshingano zo kubigisha.

Yagize ati: “Twishimye cyane abadepite twitoreye kuba noneho  bamanuka bakaza bakaduhugura tukamenya ko dufite inyungu mu kuboneza urubyaro ,ubundi twaridusanzwe hari bamwe muritwe twitabira kuboneza ariko ubutwamenye byinshi ntitwarituzi ko abaturage twiyongera cyane kandi ubutaka dutuyeho tunabuhinga bwo ntabwo bwiyongera  natwe tugomba kuboneza urubyaro tukabyara abo dushoboye kurera  ,kuba hari abatitabira serivisi zo kuboneza ni ikibazo cy’imyumvire ya bamwe mu baturage kuko serivisi abaziduha barahari kugeza mu mudugudu hari abajyanama b’ubuzima babidufashamo.”

Hategeka Theoneste utuye mu Kagari ka Nyagasenyi yavuze ko ibiganiro bagejejwe n’abadepite byabafashije guhindura imyumvire.

Yagize  ati: “Ibiganiro batugejejeho bizadufasha kuko nkatwe abagabo ntidukunda gufasha abagore ahubwo  tukabaharira ibijyanye no kwita kubana no kuboneza twumvise ko tugomba gufasha abagore bacu kandi tukabaherekeza kwamuganga tukanamenya gahunda zo kuboneza kandi twabanje kubyumvikana ho ariko bibaye byiza ibiganiro batugejejeho biteguwe kenshi byadufasha cyane kuko twabonye ko nta mwana wagera ku iterambere utaramuteguriye uko azabaho,ibiganiro nabo badutegurira nabyo bizajya bidufasha gutegura imibereho myiza .”

Depite Nyiragwaneza Athanasie yabwiye Bwiza.com ko kwegera abaturage bizabafasha kumenya ibikorerwa umuturage uko bishyirwa mu bikorwa   kandi bizajya bituma batora amategeko abereye umuturage akanagira uruhare mu bikorwa bimukorerwa .

Yagize ati: “Tumaze iminsi ibiri muri aka karere dutanga ubutumwa bw’inteko ishingamategeko  ibinyujije mu mahuriro abiri y’abadepite ariyo GPF rirwanya jenoside, ipfobya n’ihakana rya Jenoside yakorewe Abatutsi , twatanze ibiganiro mu mashuri  twigisha urubyiruko gahunda ya Ndi umunyarwanda ,twabakanguriye kuba umwe bagakundana kuko igihugu cyacu cyubakiye ku bumwe bw’abanyarwanda,uyu munsi twifatanyije n’abaturage mu muganda tubagezaho ubutumwa bw’ihuriro ry’abagize inteko ishingamategeko bagize ihuriro RPRDP riharanira imibereho y’abaturage n’iterambere  no  twabakanguriye kandi kwandikisha abana bavutse mu bitabo by’irangamimerere no kwandukuza abapfuye .”

Hon. Nyiragwaneza yakomeje avuga ko abagize inteko ishingamategeko kwegera abaturage bizabafasha gutora amategeko abereye abaturage bashingiye no ku bitekerezo byabo .

Yagize ati: “Muri manda ishize nibwo hafashwe icyemezo cyo kumanuka tukegera abaturage binyuze muri za komisiyo n’abagize amahuriro y’abagize inteko ishingamategeko ,iyo tubegereye baduha ibitekerezo kuko nibo duhagarariye kandi abanyarwanda barajijutse ku buryo iyo tuganiriye nabo baduha ibitekerezo ikindi ntiwagenzura imikorere ya goverinoma uri mu biro niyo mpamvu twiyemeje kwegera abo duhagarariye .”

 

Izindi wakunda

Bwiza.com
error: Alert: Ntabwo byemewe!!