bwiza.com
Amakuru Politiki

U Burundi ngo bushobora kuvana ingabo zabwo zose muri Somalia

Nyuma y’aho Afurika Yunze Ubumwe ifatiye icyemezo cyo gucyura ingabo z’u Burundi 1000 mu zari mu bikorwa byo kubungabunga amahoro muri Somalia guhera kuri uyu wa kane ushize, na n’ubu impaka zirakomeje kuri iki cyemezo ku buryo u Burundi bunavuga ko bushobora gukura n’izindi ngabo zabwo zari zisigaye muri Somalia zigera ku 5400.

U Burundi buvuga ko bushobora gukura ingabo zabwo zose ziri muri Somalia zigera ku 5400 kubera ko izisigaye zidashobora guhangana n’umwanzi kuko ari nkeya nk’uko byemezwa n’inteko ishinga amategeko y’u Burundi imitwe yombi.

Inkuu y’ikinyamakuru Regionweek  ivuga ko Reverien Ndikuriyo ukuriye Inteko ishinga amategeko, yatangaje ko kugabanya abo basirikare b’u Burundi muri Somalia bishobora gushyira mu kaga ingabo zisigayeyo.

Yagize ati: “Kugabanya abasirikare mui Somalia b’Abarundi bishobora gutuma bigorana kurwanya ya mitwe y’iterabwoba nka Al Qaida na Al Shabab…kandi byashyira mu kaga ingabo z’Abarundi.”

Mu 2016 u Burundi nabwo bwigeze kugaragaza ko bushobora gukura ingabo zabwo muri Somalia kubera ubwumvikane bucye hagati yabwo n’Umuryango w’Ubumwe bw’uu Burayi ku kuntu abo basirikare bakwiye guhembwa nk’uko UBMNews ivuga.

Kuri ubu rero ngo barasaba ko izo ngabo ziguma muri Somalia mu gihe nyamara bakunze kumvikanisha ko igihe cyose bashobora kuhasiga ubuzima. Leta ariko na none ngo ikaba ikura amafaranga menshi muri ibi bikorwa abarirwa muri miliyoni 18 z’amadolari buri mezi atatu ava ku mushahara w’abo basirikare bahembwa muri Somalia.

Ni mu gihe bivugwa ko ingabo z’u Burundi zisaga 1,000 zimaze gusiga ubuzima muri Somalia zirimo kugerageza gucunga umutekano no kugarura amahoro muri iki gihugu cyo mu Ihembe rya Afurika.

 

Izindi wakunda

1 Igitekerezo

nkotanyi 25/02/2019 9:35 pm at 9:35 pm

yewe izi nta ngabo zirimo ?! ingabo 1000 mukaba mukiri muri somalia ??!! yewe ntacyo mushoboye rwose inteko ishinga amateka isabe mutahe ahubwo mutarashira?!yewe ntacyo mukorayo rwose??!! uretse gusarura amafranga yo kugurira imbonerakure imihoro yo kwica abantu.

Subiza

Tanga Igitekerezo

Bwiza.com