bwiza.com
Ahabanza » Umutaliyani ukinana na Areruya Joseph yegukanye agace ka mbere ka Tour du Rwanda 2019
Imikino

Umutaliyani ukinana na Areruya Joseph yegukanye agace ka mbere ka Tour du Rwanda 2019

Ku nshuro ya mbere Tour du Rwanda ivuye ku rwego rwa 2.2 ikajya 2.1 ari na bwo ibaye, agace ka mbere katangiriye mu mugi wa Kigali kerekeza Rwamagana kagaruka i Kigali, ku ntera y’ibirometero 111.8, gatwawe n’Umutaliyani, Fedelli Alessandro.

Igikundi cyari kirimo Umunyarwanda, Mugisha Moise ni cyo cyari imbere binjira mu mugi wa Kigali, baturutse i Rwamagana. Byageze n’aho Moise abasiga ariko bakigera Sonatubes, ikindi gikundi cyabafashe bagendera hamwe.

Fedelli Alessandro

Mu gihe bari bageze mu karere ka Kicukiro, habaye “circuit”mu nzira ya Sonatube-Kicukiro Centre-Gatenga(Kwa Gitwaza)-Rwandex-Sonatubes-Kicukiro Centre. Circuit isobanuye kuzenguruka ahantu inshuro zirenze imwe. Iyi Circuit n’agace muri rusange byararangiriye kuri Kicukiro Centre.

Abakinnyi bose baturutse i Burayi, Amerika no mu bihugu bya Afurika, bose bakiriwe n’u Rwanda, babukereye bitegura guhaguruka saa yine zuzuye.

Abakinnyi bitabiriye iri rushanwa biganjemo abo mu Bufaransa bufitemo 13 baturutse muri Delko Marseille Provence KTM ya Areruya Joseph, Direct Energie, n’ikipe y’igihugu y’abatarengeje imyaka 23.

U Rwanda rwo rufitemo abakinnyi 12 baturutse muri Team Rwanda, Benediction Club, umwe wakiniye Dimension Data yo muri Afurika y’Epfo n’uza gukinira Delko Marseille Provence KTM yo mu Bufaransa.

Afurika y’Epfo na Erythrea bifite abakinnyi batandatu kuri buri gihugu. Ethiopia yo ku munota wa nyuma, yatangaje ko itakitabiriye iri rushanwa bitewe n’uko iri mu myiteguro ya Shampiyona ya Afurika izabera iwabo.

Tubibutse ko mu mpinduka zabayemo harimo iy’uzatwara iri rushanwa uzahabwa igihembo cy’amadorari y’Amerika 4000 ($4000), avuye ku $ 1200 yari asanzwe atangwa.

Dore uko batanu bakurikiranye:

  1. Fedeli Alessandro( Delko Marseille Provence KTM): Yakoresheje 2h41min 34sec
  2. Debesay Yakob(Erythrea): 2h 41min 34sec
  3. Przemysiaw Kasperkiewicz( Delko Marseille): 2h 41min 36sec
  4. Areruya Joseph (Delko Marseille): 2h 41min 36sec
  5. Salim Kipkemboi(Team Kenya): 2h 41min 36sec

Izindi wakunda

Bwiza.com
error: Alert: Ntabwo byemewe!!