bwiza.com
Imyidagaduro

Harmonize yasohoreye rimwe indirimbo 4 ziganjemo ibyamamare byo muri Nigeria

Icyamamare mu muziki muri Tanzania, Rajab Abdul Kahali uzwi nka Harmonize yasohoye uruhurirane rw’indirimbo (EP) 4 afatanyije na Diamond Platinumz, Yemi Aladi, Mr Eazi, Burna Boy bo muri Nigeria.

Uretse indirimbo imwe yakoze wenyine yitwa “Niteke”, izindi zose yazifatanyije na bagenzi be. “Kainama” yayikoranye na Diamond Platinumz ndetse na Burna Boy. “Show me What You Got” yafatanyije n’icyamamare muri Nigeria, Yemi Alade. Iya nyuma ni “Tepete” yafatanyije na Mr Eazi.

Izi ndirimbo zose yazishyize ku rubuga rwe rwa Youtube ariko ziracyari mu majwi. Amashusho yazo aracyatunganyirizwa mu nzu akoreramo umuziki, Wasafi (WCB) ariko arasohoka vuba.

Mu minsi ishize, uyu muhanzi yari yatangaje ko izi ndirimbo zisohoka kuri 18 Gashyantare ariko biza guhinduka kuko batari bakarangije kuzitunganya. Harmonize n’inzu akoreramo ya Wasafi biseguye ku bakunzi babo; babasezeranya ko ziri busohoke vuba.

Indirimbo ya vuba uyu muhanzi aheruka gushyira hanze ni “Paranawe” yafatanyije na mugenzi we bakorera mu nzu imwe, Ryvanny. Ni indirimbo yakunzwe cyane n’abakunzi b’umuziki ndetse n’aba bahanzi, by’umwihariko.

 

Izindi wakunda

Bwiza.com