bwiza.com
Ahabanza » Burundi: Abanyeshuri b’abakobwa basaga ibihumbi 500 bifashisha ibitambaro mu gihe cy’imihango
Amakuru Ubuzima

Burundi: Abanyeshuri b’abakobwa basaga ibihumbi 500 bifashisha ibitambaro mu gihe cy’imihango

Ubushakashatsi bwakozwe bugaragaza ko abanyeshuri b’abakobwa basaga ibihumbi 500 badafite ubushobozi bwo kugura impapuro z’isuku abagore n’abakobwa bifashisha mu gihe cy’imihango (Cotex). Bifashisha ibitambaro rimwe na rimwe bitizewe ku isuku yabyo.

Perezida w’Umuryango Sacodé, umuryango ushinzwe kurengera ubuzima hagamijwe iterambere, Nibizi Françoise yagize ati “Abakobwa ibihumbi 545 biga mu bigo by’amashuri mu gihugu hose ntabwo bakoresha impapuro z’isuku zifashishwa mu gihe cy’imihango”.

Ibi yabitangaje ku wa 27 Gashyantare 2019, mu Ntara ya Kirundo, iri mu Majyaruguru y’igihugu, ubwo hamurikwaga umushinga ‘Ugamije kwita ku isuku no guteza imbere ubuzima bw’imyorerokere ku bagore n’abakobwa mu Ntara ya Kirundo”.

Uyu muryango utangaza ko ubushakashatsi bwakozwe mu bigo by’amashuri bitandukanye by’iyi Ntara, ari nako bagendaga baha abanyeshuri izi mpapuro z’isuku.

Abakobwa ibihumbi 30  muri bo, bahawe izi mpapuro z’isuku bashobora kuzagenda bifashisha mu gihe cy’imyaka itanu.Mu rwego rwo kubungabunga ubuzima bw’abagore n’abakobwa mu gihe cy’imihango.

Nk’uko ikinyamakuru Iwacu/Burundi kibitangaza, Ruth Niyonkuru, w’imyaka 17 wiga mu mwaka wa Mbere muri lycée de Kanyinya, avuga ko yari amaze imyaka ibiri akoresha ibitambaro mu gihe yabaga yagiye mu mihango, ahanini ngo biterwa n’ubukene bw’ababyeyi be batabasha kumugurira cotex. Ati “Mu gihe ndi mu rugo ntabwo mbasha kubona impapuro z’isuku, nkakoresha ibitambaro”.

Izindi wakunda

Bwiza.com
error: Ntibyemewe