bwiza.com
Ahabanza » Sudani: Perezida Omar Bashir yavuye ku buyobozi bw’ishyaka riri ku butegetsi
Amakuru Politiki

Sudani: Perezida Omar Bashir yavuye ku buyobozi bw’ishyaka riri ku butegetsi

Perezida Omar al-Bashir wa Sudani yamaze kuva ku buyobozi bw’ishyaka riri ku butegetsi abuha uwari umwungirije, Ahmed Mohamed Haroun, kugeza ubwo iri shyaka rizongera guterana mu nama rusange itaha nk’uko itangazo ryashyizwe ahagaragara rivuga.

Ahmed Mohamed Haroun, bivugwa ko nawe ashakishwa n’Urukiko Mpuzamahanga Mpanabyaha ku byaha by’intambara  byakorewe mu Ntara ya Darfour, yari yatowe n’ishyaka National Congress ngo abe umuyobozi waryo wungirije muri iki cyumweru n’ubundi.

Perezida Omar Bashir nawe ubwe akaba ashakishwa na ICC kuva mu myaka myinshi ishize ariko bagenzi bo bo muri Afurika bagiye bamukingira kibaba bakanga kumuta muri yombi ngo ashyikirizwe uru rukiko nk’uko iyi nkuru dukesha Africanews ikomeza ivuga.

Mu gihugu cye rero hamaze iminsi imyigaragambyo y’urudaca imusaba kwegura ku mirimo ye. Kuri uyu wa Gatanu, itariki 01 Werurwe, abigaragambya bakaba bari binjiye mu kwezi kwa kane kw’imyigaragambyo yatangiye mu Ukuboza 2018.

Ahmed Mohammed Harun

Perezida Bashir akaba yaranze kwemera ibyo asabwa avuga ko azava ku butegetsi gusa nyuma y’amatora ateganyijwe mu 2020.

Mbere y’uko imyigaragambyo iba, ishyaka riri ku butegetsi rikaba ryarashakaga kuvugura itegeko nshinga hagakurwamo umubare wa manda umukuru w’igihugu atemerewe kurenza kugira ngo Bashir azabone uko yiyamamaza mu matora ataha.

Izindi wakunda

Bwiza.com
error: Alert: Ntabwo byemewe!!