bwiza.com
Ahabanza » Umuntu tuzafata ari kwiba insinga z’amashanyarazi tuzamureka azimanure ariko tuzamusamira hasi- Gen Mubarak
Amakuru Umutekano

Umuntu tuzafata ari kwiba insinga z’amashanyarazi tuzamureka azimanure ariko tuzamusamira hasi- Gen Mubarak

Umuyobozi w’Ingabo mu Ntara y’Iburasirazuba n’Umujyi wa Kigali, Gen. Maj. Mubarak Muganga avuga ko ingabo ziteguye guhangana n’abaturage bagira uruhare mu kwangiza ibikorwa remezo by’umwihariko abiba insinga z’amashanyarazi.

Ibi Gen Mubarak Yabitangarije abatuye Akagari ka Nyabugogo, Umurenge wa Kigali ho mu Karere ka Nyarugenge mu muganda wo gusoza ukwezi kwa Kabiri.

Mu ijambo rye, Afande Mubarak yagarutse ku migirire ikwiye kwamaganwa irimo kwiba amasinga y’amashanyarazi, gucuruza no gukoresha ibiyobyabwenge, kuvana abana mu ishuri ndetse no gucukura amabuye y’agaciro mu buryo butemewe n’amategeko.

Gen. Muganga yatangarije abaturage ko mu gihe cyose hakiri abantu bangiza ibikorwaremezo ntamutekano uba uhari.

Yagize ati” Umuntu tuzafata ari kwiba insinga z’amashanyarazi tuzamureka azimanure ariko tuzamusamira hasi kandi uwo azaba ari umwanzi w’ igihugu kuko nta terambere azaba acyifuriza”.

Ku bijyanye n’uburezi bw’abana, yagize ati” Iyo umubyeyi avanye umwana mu ishuri aba amwohereje kunywa ibiyobyabwenge ndetse no kwiba insinga z’ amashanyarazi bityo akaba umwanzi w’ igihugu.”

Mu ijambo rye, Gen Mubarak yakomeje gushimangira akamaro k’umutekano w’ igihugu muri rusange,

Kuri iyi ingingo, Mubarack yasabye abaturage uburenganzira bwo kumurekera bene abo yita abagizi ba nabi (abiba insinga z’amashanyarazi), kuko ngo azimenyera icyo azabakorera.

Ku byerekeye ibyobyabwenge, Gen Mubarack yavuze ko abaturage bagomba gukoresha imbaraga zose zishoboka bagatunga agatoki ababikoresha ndetse n’ ababigemura mu rwego rwo kurushaho kwizera ko igihugu gifite urubyiruko rufite uburere bwiza.

Avuga ku bucukuzi bw’ amabuye y’agaciro mu buryo butemewe n’ amategeko, yavuze ko sosiyete zibifitiye ibyangombwa zigomba kugirana ibiganiro birambuye n’ ubuyobozi bityo zigakomeza akazi kazo.

Mu Mujyi wa Kigali havugwa ibikorwa binshi byiganjemo kwangiza ibikorwa remezo, gucuruza no kunywa ibiyobyabwenge n’ubwo ubuyobozi budahwema guhangana n’abijandika muri ibi byaha.

Gaston Rwaka/bwiza.com

Izindi wakunda

1 Igitekerezo

Bazabose 02/03/2019 10:33 am at 10:33 am

Twe mu mudugudu wacu duturanye n’abajura kdi abayobozi bose barabazi kdi bahora batunda ibintu bimwe babizana mu mudugudu bindi babijyana hanze y’umudugudu. Bariba mu mago y’abaturage sinakubwira za TV na za Phone barazimaze.

Uzi ko Mbarara Uganda kubona umujura bitakigaragara ku manywa? yewe na ni joro si kenshi kuko gufatwa = urupfu cg kwishyura amafaranga menshi kugirango azasohokeyo. Uwibye baramutwika. Ugonze umuntu baramutwika, Ndetse ntawe ukiiba za Telefone keretse iyo za Kampala.

Njye nibaza niba Inkotanyi z’amarere zikibaho bikanyobera. Kubona umuntu aza i wawe ku manywa y’ihangu akikorera Televiziyo akayitwara akagenda? Guhura n’umuntu akagushikuza telefone akagenda? Kwiba moto? Ihene, ibitoki by’abaturage? insinga?

Ese ni uko gukubitwa inkoni bitakibaho?

Subiza

Tanga Igitekerezo

Bwiza.com
error: Ntibyemewe