bwiza.com
Ahabanza » Leta y’u Rwanda ikwiye no gushyiraho itegeko rihana ubujura bwitwaje Bibiliya- Tom Ndahiro
Amakuru mu Rwanda

Leta y’u Rwanda ikwiye no gushyiraho itegeko rihana ubujura bwitwaje Bibiliya- Tom Ndahiro

Umushakashatsi akaba n’umusesenguzi kuri Jenoside yakorewe Abatutsi, Ndahiro Tom, avuga ko Leta y’u Rwanda yagashyizeho itegeko rihana ubujura bwitwaje bibiliya.

Yabitangaje ku Cyumweru tariki ya 3 Werurwe 2019, nyuma yo gushima igitekerezo cya Mvukiyehe Rubera wari umaze kuvuga abicishije ku rukuta rwe rwa Twitter, ko abajura batunga abantu imbunda bakabambura utwabo n’amadini arimo gukoresha amayeri yo kubakangisha Imana akabacucura.

Mvukiyehe yagize ati “Nk’uko abajura batunga abantu imbunda bakabambura utwabo (nutazana ndakurasa), niko amadini atunga abantu icyitwa Imana akabambura utwabo (nudatanga uravumwa wa muvumo, Malaki 3).”

Abicishije ku rukuta rwe rwa Twitter, Tom Ndahiro yagize ati “Nyuma yo kumva ko Afurika y’Epfo ikurikirana uwabeshye ko yazuwe n’uwazuye, hari utanze igitekerezo cyiza: “Nk’uko penal code y’u Rwanda iteganya itegeko rihana ubujura bwitwaje intwaro ndetse n’ubushingiye ku buriganya, ikwiye no gushyiraho itegeko rihana ubujura bwitwaje Bibiliya [Bible].”

Nk’uko Tom yabikomojeho, mu minsi  ishize nibwo mu bitangazamakuru bitandukanye hatangajwe  inkuru y’umupasitori , Alpha Lukau wo muri Afurika y’Epfo, wagaragaye mu ruhame asengera umuntu wari mu isanduku y’abapfu, akabyuka bivugwa ko azutse.

Nyuma yo gutangazwa ko yamuzuye, abantu benshi bakomeje kubyibazaho, ndetse umwe mu baturage b’iki gihugu, akaba yarasabye uyu mupasiteri kuzura Nelson Mandela ngo niba koko afite ububasha bwo kuzura abantu.

Videwo n’amafoto by’iki gikorwa byarakwirakwijwe ku mbuga nkoranyambaga, gusa Leta ya Afurika y’Epfo yaje gutangaza ko igiye gukurikirana uyu mupasiteri ndetse n’umuturage wigaragaje nk’uzuwe.

Iki gikorwa cyo kwigaragaza nk’abakora ibitangaza, ngo bikorwa ahanini amatorero n’amadini agamije kwigaragaza nk’ashoboye, ngo abashe kwigarurira abayoboke, ariko mu by’ukuri yabeshye.

Perezida wa Afurika y’Epfo, Cyril Ramaphosa, ku wa Kabiri w’icyumweru gishize yatangaje ko Leta igiye gukora iyo bwabaga ikagirana ibiganiro n’amadini atandukanye yo muri iki gihugu kugira ngo bagire ibyo babahuguramo mu nyungu z’abaturage.

Izindi wakunda

Bwiza.com
error: Alert: Ntabwo byemewe!!