bwiza.com
Amakuru

Nigeria yahaye uburenganzira utemera ibyavuye mu matora ngo yikorere ubugenzuzi

Ku wa gatatu, tariki ya 7 Werurwe, Urukiko rwo muri Nigeria rwategetse komisiyo y’igihugu y’amatora guha uburenganzira ishyaka ritavuga rumwe n’ubutegetsi ngo rigenzure impapuro z’amatora y’umukuru w’igihugu yabaye ku wa 23 Gashyantare.

Ni nyuma y’uko ishyaka rya Peoples Democratic Party rihagarariwe na Atiku Abubakar ritavuga rumwe na leta ya Buhari ryavuze ko amatora yaranzwe n’amanyanga. Muri iki gihe, Mohammadu Buhari yatsinze ku majwi 56 %, mu gihe Atiku Aboubakar bari bahanganye yagize 41 ku ijana.

Nk’uko tubikesha urubuga rwa Radio Ijwi ry’Amerika, amatora akimara gutangazwa, Atiku yavuze ko amatora yabayemo amanyanga ndetse anongeraho ko agiye kwitabaza ubutabera.

Icyakoze, umuvugizi w’ishyaka rya All Progressive Congress riri ku butegetsi yahise yamagana uyu musaza w’imyaka 72. Icyo gihe yatangaje ko aya matora yanyuze muri demukarasi ndetse no ku mudendezo.

Izindi wakunda

Bwiza.com