bwiza.com
Ahabanza » Tshisekedi ni nka masiki (masque) yambawe na Kabila- Martin Fayulu
Amakuru Politiki

Tshisekedi ni nka masiki (masque) yambawe na Kabila- Martin Fayulu

Martin Fayulu, umwe mu banyapolitiki batemeye ibyavuye mu matora y’umukuru w’igihugu aherutse kuba muri Repubulika Iharanira Demokarasi ya Congo, avuga ko Perezida Felix Tshisekedi ari nk’uw’ agakingirizo Joseph Kabila yashyizeho kugira ngo agume ku butegetsi.

Ibi Fayulu yabitangarije i Bruxelles, mu Bubiligi ku wa 9 Werurwe 2019, ubwo yitabiraga inama muri Kaminuza y’i Brussel (VUB). Avuga ko amatora yakozwe iwabo ari forode.

Aganira n’itangazamakuru ubwo yari ashyitse ku kibuga cy’indege, Fayulu yagize ati “Ni amateka y’igihugu cyacu ari mu nzira yo kwandikwa[…]Kabila niwe nyirabayazana, niwe uyoboye, Tshisekedi ni nka masiki yambawe na Kabila, bagiye kuyobora igihugu imyaka 10 kugera kuri 20 bafatanyije, nta mpinduka zabayeho, ahubwo ni Kabila ukomeje”.

Komisiyo y’Amatora yatangaje ko Tshisekedi ari we watsinze amatora y’umukuru w’igihugu ku wa 30 Ukuboza 2018 n’amajwi 38.57%, biterwa utwatsi na Martin Fayuku wamukurikiye mu majwi wahise aregera urukiko rurengera Itegeko Nshinga.

Nyuma yaho Tshisekedi arahiriye kuba umukuru w’igihugu, Fayulu ntamwemera nka Perezida, amushinjanya na Kabila kwiba amajwi, ahubwo akemeza ko ariwe Perezida rukumbi wa Repubulika Iharanira Demokarasi ya Congo.

Izindi wakunda

Bwiza.com
error: Alert: Ntabwo byemewe!!