bwiza.com
Ahabanza » Urutonde rw’abaherwe b’abirabura mu 2019
Amakuru IBYEGERANYO

Urutonde rw’abaherwe b’abirabura mu 2019

Buri mwaka, Forbes gisohora intonde z’ibyamamare bitandukanye. Abirabura b’abaherwe na bo bagaragara muri iki kinyamakuru. Muri uku kwezi ni bwo uru rutonde rwasohotse, Aliko Dangote wo muri Nigeria yongera kuruyobora.

Uru rutonde ruyobowe n’abanya Nigeria bakurikiranye, na none rukiganzamo abanyafurika. Ubucuruzi bw’amavuta, ikoranabuhanga, ishoramari na kompanyi z’itumanaho ni zimwe mu mpamvu zatumye bamwe muri aba bagera kuri ibi.

Icyakoze hari abaza ari nk’ab’umwihariko barimo Oprah Winfrey uzwi mu kiganiro cya televiziyo na Michael Jordan; wamamaye mu mukino wa ‘Basketball’.

Tudatinze, reka turebe uko urutonde rumeze kandi ntiturenza imboni na bimwe mu bigwi by’aba ‘bagabo’.

  1. Aliko Dangote

Ni umunya Nigeria ukora ubucuruzi bwa sima, amavuta, ifu n’isukari. Dangote yashinze kompanyi yitwa Dangote Group; uruganda rukora ibicuruzwa bitandukanye. Nyuma y’imyaka isaga 30 akora ubucuruzi, amaze kugira umutungo wa miliyari $10.9.

  1. Mike Adenuga

Na we ni umunya Nigeria ukora ubucuruzi bw’amavuta, akaba ari nyiri komanyi y’itumanaho ya Globacom. Uyu mwaka, afite umutungo wa miliyari $9.1.

  1. Robert Smith

Ni umunyamerika ufite kompanyi yitwa Vista Equity Partners, ikora ‘softwares’. Smith afite umutungo wa miliyari $5.

  1. David Steward

Ni umunyamerika ukesha umutungo we kompanyi y’ikoranabuhanga yitwa ‘World Wide Technology. Uyu na we afite miliyari $3.

  1. Oprah Winfrey

Ni umunyamerika, akaba ari na we mugore w’umunyamafaranga muri Afurika na Amerika. Oprah azwi cyane mu kiganiro cyitwa The Oprah Show akorera kuri televiziyo. Ubu na we amaze kugeza ku mutungo wa miliyari $2.5.

  1. Strive Masiyiwa

Uyu munya Zimbabwe atunze kompanyi y’itumanaho yitwa Econet, ikorera muri Zimbabwe, u Burundi, Lesotho na Botswana. Kimwe na Globacom, MTN, Vodacom n’izindi… Econet nayo iri mu ma kompanyi akomeye muri Afurika. Masiyiwa atunze miliyari $2.4.

  1. Isabel Dos Santos

Uyu ni umukobwa w’uwagoze ari umukuru w’igihugu cya Angola, Eduardo Dos Santos. Ubucuruzi bwe bushingiye ku ishoramari muri Unitel, banki yitwa Banco BIC SA n’ahandi. Isabel afite amadorali miliyari 2.3.

  1. Patrice Motsepe

Ni umunya Afurika y’Epfo ufite kompanyi y’ubucukuzi bw’amabuye y’agaciro yitwa ‘African Rainbow Minerals (ARM). Uyu aranganya umutungo na Isabel Dos Santos.

  1. Michael Jordan

Ku bakunzi b’umupira w’intoki uzwi nka ‘Basketball’, uyu mugabo si ubwa mbere mumwumvishe. Muri uyu mukino, ari mu baciye agahigo ko gutsinda amanota menshi. Birumvikana ko umutungo we mwinshi awukesha uyu mukino no kwamamariza zimwe muri kompanyi nka Nike. Umutungo we urangana na miliyari $1.9.

  1. Michael Lee Chin

Uyu munya Canada yavukiye muri Jamaica. Ubucuruzi bwe bushingiye mu gushora imari mu makompanyi atandukanye. Lee Chin afite umugabane wa 65 % muri Banki y’Igihugu y’Ubucuruzi muri Jamaica. Uyu na we anganya umutungo na Jordan.

Izindi wakunda

Bwiza.com
error: Ntibyemewe