bwiza.com
Amakuru

Abadepite bagaragaje gushyigikira u Rwanda mu bibazo rufitanye na Uganda bahejwe mu mwiherero

Abadepite  batandatu bagaragaje ko Uganda ari yo nyirabayazana w’ibibazo ifitanye n’u Rwanda bahejwe mu mwiherero w’Inteko Ishinga Amategeko y’iki gihugu uri kubera mu Karere ka Kyankwanzi.

Muri aba harimo  Barnabas Tinkasimire, Theodore Sekikubo, John Baptist Nambeshe, Gaffa Mbwatekamwa, Patrick Oshabe na Monica Amoding.

Dailymonitor dukesha iyi nkuru itangaza ko aba badepite batemerewe gukandagiza ikirenge mu mwiherero uzamara iminsi umunani kuko akenshi baba bifatanyije na opozisiyo kandi bitwa ko ari ab’Ishyaka riri ku butegetsi (NRM).

Umunyamabanga Nshingwabikorwa w’Ihuriro ry’Abadepite bo muri NRM, Margaret Muhanga atangaza ko aba badepite bahejwe kuko arii ba kidobya.

Ati “ Dufite abantu buri gihe batemeranya na buri kimwe NRM ishyize ku meza ngo kiganirweho. Bifatanya na opozisiyo, bayitera inkunga. Narababonye bashyigikiye u Rwanda ngo rurwanye Uganda. Bajya bambara udutambara ku mutwe twerekana ko badashyigikiye NRM.”

Aba badepite barakumirwa mu gihe u Rwanda na Uganda batarebana neza. Ni nyuma yo gushinjanya ibyaha bijyanye no guhungabanya umutekano wa buri ruhande. Buri ruhande ruhakana rwivuye inyuma ibyo ruregwa ahubwo rugakoresha umwanya rubonye mu gutunga agatoki urundi.

Izindi wakunda

Bwiza.com