bwiza.com
Ahabanza » Akarere ka Rwamagana katangaje ibanga rituma gakorerwamo ingendoshuri
Amakuru Politiki

Akarere ka Rwamagana katangaje ibanga rituma gakorerwamo ingendoshuri

Akarere ka Rwamagana kamaze iminsi gakorerwamo ingendo shuri zikorwa n’abayobozi bo mu turere, intara, Umujyi wa Kigali ndetse n’ibindi bigo. Ubuyobozi bw’akarere buratangaza ko biterwa na gahunda nziza bategura zikanashyirwa mu bikorwa zikanakemura ibibazo byugarije umudendezo w’abaturage.

Abagiye basura akarere  baganirizwaga ku bunaribonye bwakoreshejwe kugirango gahunda zitandukanye zishyirwe mu bikorwa harimo nk’iyitwa :one one four Operation yafashije kurwanya imirire mibi  no kugwingira kw’abana. Iyi gahunda yasize abana bagera kuri 45 aribo bari bagifite ikibazo cy’imirire mibi  nyamara mu bana bapimwe muri 2018 abana bari munsi y’imyaka 5 abagera kuri 548 bagaragaweho n’ikibazo cy’imirire mibi .

Mu myaka ibiri ishize, abana 644 nibo bari bafite ikibazo cy’imirire mibi. Gahunda yo kurwanya imirire mibi kugirango igerweho buri mudugudu washyizeho igikoni cy’umudugudu ku buryo cyabafashije gukurikirana abana bafite ikibazo cy’imirire mibi ku bana yagaragayeho ariko byatumye bakumira icyo kibazo kuko abana bose bahurizwa ku gikoni cy’umudugudu .

Hari icyumba ntaramakuru kiri ku biro by’akarere cyakusanyirijwemo amakuru arebana n’ibibazo bibabangamiye umudendezo w’abaturage ,habonekamo kandi amakuru ajyanye n’uburyo imihigo ishyirwa mu bikorwa ,hakabonekamo n’amakuru agaragaza uko akarere gahagaze mu kwihaza mu biribwa.

Uturere two mu burasirazuba twatangiye gutegura gahunda zidasanzwe nyuma y’uko gahunda ya ONE ONE FOUR OPERATION ifashije Akarere ka Rwamagana mu gukemura ikibazo cy’imirire mu bana .

Nk’Akarere ka Kirehe katangije gahunda yiswe FIVE TO ZERO Campaign igamije gukemura ibibazo bitanu bibangamiye abaturage mu karere kabo harimo n’ikibazo cy’imirire mibi no kugwingira kw’abana .

Mu Karere ka Bugesera nabo batangije one one ikotaniro hagamijwe kurwanya imirire mibi umubyeyi umwe azajya afatanya n’umujyanama w’ubuzima gukurikirana umwana ufite ikibazo cy’imirire mibi .

Gahunda zo guhangana n’ibibazo bibangamiye ibibazo by’abaturage zagezweho n’abayobozi bagiriye ingendo shuri zari zigamije kwiga uko Rwamagana ibishyira mu bikorwa kugirango nabo bajye gukemura ibibazo biri mu turere twabo .

Bwana Mudaheranwa Regis, Visi Meya ushinzwe Ubukungu n’Iterambere ufatwa nk’umucurabwenge w’udushya no gushyira mu bikorwa imihigo y’akarere, yabwiye Bwiza.com ko hari impamvu zatumye abayobozi bo mu tundi turere bakorera ingendoshuri muri Rwamagana .

Yagize ati: “Iyo badusuye tubereka ibyo twakoze dushimishwa nuko nabo babigira ibyabo ukabona bafite inyota yo kubikora nkuko twabikoze ,kandi kuba twarabaye aba mbere bidutera akanyabugabo kandi tukarushaho gushyira ingufu mu bikorwa bifitiye akamaro abaturage nko kubegeraza ibikorwaremezo ariko tunakora ibyatuma abaturage bacu bagira imibereho myiza n’iterambere.>

Mudaheranwa anavuga ku byafashije mu myaka itatu gusa  guhindura isura y’akarere kabaga mu twanyuma mu kwesa imihigo kakaba aka mbere mu kwesa imihigo inshuro zikurikiranya.

Avuga ko byaturutse ku ngamba zikomeye zirimo kugisha inama abantu bakuze b’inararibonye bazi neza uko Akarere ka Rwamagana gateye ndetse bakaba barohereje abakozi mu bihugu byo hanze byateye imbere bakajya gushaka ubunararibonye bwabafasha mu guteza imbere akarere .

 

Izindi wakunda

Bwiza.com
error: Alert: Ntabwo byemewe!!